ਚੰਡੀਗੜ੍ਹ, 14 ਅਪ੍ਰੈਲ, ਬਿਓਰੋ :
ਅੱਜ ਚੰਡੀਗੜ੍ਹ ਕਰਾਈਮ ਸੈੱਲ ਦੇ ਤਿੰਨ ਕਾਂਸਟੇਬਲ ਮੁਅੱਤਲ ਕਰ ਦਿੱਤੇ ਗਏ ਹਨ ਅਤੇ ਇਸ ਸੈਲ ਦੇ ਇੰਚਾਰਜ ਇੰਸਪੈਕਟਰ ਨਰਿੰਦਰ ਪਟਿਆਲ ਨੂੰ ਲਾਈਨ ਹਾਜ਼ਰ ਕਰ ਦਿੱਤਾ ਗਿਆ ਹੈ।
ਜਾਣਕਾਰੀ ਅਨੁਸਾਰ ਵੀਰਵਾਰ ਰਾਤ ਇਹਨਾਂ ਤਿੰਨਾਂ ਕਾਂਸਟੇਬਲਾਂ ਨੇ ਜੀਂਦ ਦੇ ਨੌਜਵਾਨਾਂ ਨੂੰ ਸੱਟੇਬਾਜ਼ੀ ਦੇ ਦੋਸ਼ 'ਚ ਗ੍ਰਿਫਤਾਰ ਕੀਤਾ ਸੀ। ਮਾਮਲਾ ਐਸ.ਐਸ.ਪੀ. ਦੇ ਧਿਆਨ ਵਿੱਚ ਆਉਣ ਬਾਅਦ ਜਾਂਚ ਕੀਤੀ ਅਤੇ ਇਹਨਾਂ ਉਤੇ ਗੰਭੀਰ ਦੋਸ਼ ਸਾਹਮਣੇ ਆਉਣ ਤੇ ਇਹ ਕਾਰਵਾਈ ਕੀਤੀ ਗਈ ਹੈ।

ਚੰਡੀਗੜ੍ਹ, 11 ਅਪ੍ਰੈਲ, ਦੇਸ਼ ਕਲਿੱਕ ਬਿਓਰੋ ; 

ਚੰਡੀਗੜ੍ਹ ਨਗਰ ਨਿਗਮ ਵਿੱਚ ਹੋਏ ਪਾਰਕਿੰਗ ਘੁਟਾਲੇ ਦੀਆਂ ਫਾਇਲਾ ਹੁਣ ਸੀਬੀਆਈ ਕੋਲ ਪਹੁੰਚ ਗਈਆਂ ਹਨ।  ਚਰਚਿਤ ਪਾਰਕਿੰਗ ਘੁਟਾਲੇ ਸਬੰਧੀ ਅੱਜ ਹਾਊਸ ਨੂੰ ਮੇਅਰ ਅਨੂਪ ਗੁਪਤਾ ਨੇ ਜਾਣਕਾਰੀ ਦਿੱਤੀ ਕਿ ਸੀਬੀਆਈ ਚੰਡੀਗੜ੍ਹ ਨਗਰ ਨਿਗਮ ਵਿੱਚ ਹੋਏ ਕਰੋੜਾਂ ਰੁਪਏ ਦੇ ਪਾਰਕਿੰਗ ਘੁਟਾਲੇ ਦਾ ਰਿਕਾਰਡ ਆਪਣੇ ਨਾਲ ਲੈ ਗਈ ਹੈ।

ਚੰਡੀਗੜ੍ਹ, 9 ਅਪਰੈਲ, (ਹਰਦੇਵ ਚੌਹਾਨ)

ਸਾਹਿਤਕ ਰਸਾਲੇ 'ਰਾਗ' ਦੇ ਮਾਲਕਾਂ ਵੱਲੋਂ ਪੰਜਾਬ ਕਲਾ ਪਰਿਸ਼ਦ ਚੰਡੀਗੜ੍ਹ ਦੇ ਸਹਿਯੋਗ ਨਾਲ ਇਥੇ ਕਲਾ ਭਵਨ ਚੰਡੀਗੜ੍ਹ ਵਿਖੇ ਸਾਹਿਤਕ ਸਨਮਾਨ ਸਮਾਰੋਹ ਕਰਵਾਇਆ ਗਿਆ। ਰਾਗ ਕਾਫਲਾ ਦੇ ਸਰਪ੍ਰਸਤ ਹਰਵਿੰਦਰ ਨੇ ਮਹਿਮਾਨਾਂ ਨੂੰ ਜੀਓ ਆਇਆ ਆਖਿਆ ।

ਅਮਰੀਕਾ ਤੋਂ ਆਏ 'ਰਾਗ' ਦੇ ਸੰਚਾਲਕ ਇੰਦਰਜੀਤ ਪੁਰੇਵਾਲ ਨੇ ਪੁਰਸਕਾਰ ਦੀ ਮਹੱਤਤਾ ਤੇ ਸਾਹਿਤਕ ਰਸਾਲੇ ਰਾਗ ਦੇ ਭਵਿੱਖੀ ਪ੍ਰੋਜੈਕਟਾਂ ਬਾਰੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਸ ਸਮਾਰੋਹ ਵਿਚ ਜੀਵਨ ਭਰ ਦੀਆਂ ਸਾਹਿਤਕ ਪ੍ਰਾਪਤੀਆਂ ਬਦਲੇ ਹਰ ਚਾਰ ਮਹੀਨੇ ਬਾਅਦ ਉਘੇ ਤੇ ਸਥਾਪਤ ਲੇਖਕਾਂ ਨੂੰ ਇਕ-ਇਕ ਲੱਖ ਰੁਪਏ ਦੇ ਸਨਮਾਨ ਭੇਟ ਕੀਤੇ ਜਾਣਗੇ।