12 ਲੱਖ ਵਿਦਿਆਰਥੀਆਂ 'ਚੋਂ ਹਾਸਲ ਕੀਤਾ ਦੂਜਾ ਸਥਾਨ
ਦਲਜੀਤ ਕੌਰ
ਭਵਾਨੀਗੜ੍ਹ, 10 ਫਰਵਰੀ, 2023: ਸਥਾਨਕ ਸੁਨਾਮ ਰੋਡ ਤੇ ਸਥਿਤ ਸੰਸਕਾਰ ਵੈਲੀ ਸਮਾਰਟ ਸਕੂਲ ਦੇ ਦੂਜੀ ਜਮਾਤ ਦੇ ਵਿਦਿਆਰਥੀ ਅਸ਼ਮਿਤ ਗਰਗ ਨੇ ਸਿਲਵਰ ਜ਼ੋਨ ਉਲੰਪੀਆਡ ਦੇ ਸਾਇੰਸ ਵਿਸ਼ੇ ਵਿੱਚੋਂ 96.5% ਅੰਕ ਹਾਸਿਲ ਕਰਕੇ ਉੱਤਰੀ ਭਾਰਤ ਵਿੱਚੋਂ ਦੂਜਾ ਸਥਾਨ ਪ੍ਰਾਪਤ ਕੀਤਾ ਹੈ। ਇਸ ਓਲੰਪੀਆਡ ਵਿੱਚ ਦੇਸ਼ ਦੇ ਦਸ ਹਜ਼ਾਰ ਸਕੂਲਾਂ ਵਿੱਚੋਂ ਲਗਪਗ 12 ਲੱਖ ਵਿਦਿਆਰਥੀਆਂ ਨੇ ਭਾਗ ਲਿਆ।
ਇਸ ਮੌਕੇ ਸਕੂਲ ਦੇ ਪ੍ਰਿੰਸੀਪਲ ਅਮਨ ਨਿੱਝਰ ਨੇ ਖ਼ੁਸ਼ੀ ਦਾ ਪ੍ਰਗਟਾਵਾ ਕਰਦਿਆਂ ਅਸ਼ਮਿਤ ਗਰਗ ਅਤੇ ਉਸ ਦੇ ਪਰਿਵਾਰ ਨੂੰ ਵਧਾਈ ਦਿੱਤੀ। ਇਹਨਾਂ ਓਲੰਪੀਆਡ ਮੁਕਾਬਲਿਆਂ ਦਾ ਉਦੇਸ਼ ਵਿਦਿਆਰਥੀਆਂ ਨੂੰ ਪੜ੍ਹਾਈ ਵੱਲ ਪ੍ਰੇਰਿਤ ਕਰਨਾ, ਮੁਕਾਬਲੇ ਦੀ ਰੁਚੀ ਪੈਦਾ ਕਰਨਾ ਅਤੇ ਵਿਦਿਆਰਥੀਆਂ ਨੂੰ ਆਪਣਾ ਸਹੀ ਮੁਲਾਂਕਣ ਕਰਨਾ ਸਿਖਾਉਂਦਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਸੰਸਕਾਰ ਵੈਲੀ ਸਮਾਰਟ ਸਕੂਲ ਵੱਲੋਂ ਵਿਦਿਆਰਥੀਆਂ ਦੀ ਪ੍ਰਤਿਭਾ ਨੂੰ ਨਿਖਾਰਨ ਲਈ ਹਰ ਤਰ੍ਹਾਂ ਦਾ ਉਪਰਾਲਾ ਕੀਤਾ ਜਾ ਰਿਹਾ ਹੈ। ਵਿਦਿਆਰਥੀਆਂ ਨੂੰ ਮਿਹਨਤ ਦੇ ਨਾਲ-ਨਾਲ ਵਿੱਦਿਆ ਦਾ ਮਹੱਤਵ ਦੱਸਣ ਉੱਤੇ ਵੀ ਜ਼ੋਰ ਲਗਾਇਆ ਜਾਂਦਾ ਹੈ। ਬੇਹੱਦ ਖ਼ੁਸ਼ ਅਸ਼ਮਿਤ ਦੇ ਪਿਤਾ ਅਸ਼ਵਨੀ ਗਰਗ ਨੇ ਸਕੂਲ ਪ੍ਰਬੰਧਕਾਂ ਅਤੇ ਅਧਿਆਪਕਾਂ ਦਾ ਧੰਨਵਾਦ ਕੀਤਾ।
ਸਕੂਲ ਦੇ ਚੇਅਰਮੈਨ ਧਰਮਵੀਰ ਗਰਗ ਨੇ ਅਸ਼ਮਿਤ ਅਤੇ ਉਸ ਦੇ ਮਾਪਿਆਂ ਨੂੰ ਵਧਾਈ ਦਿੱਤੀ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਲਈ ਹਰ ਵਿਦਿਆਰਥੀ ਇੱਕ ਵਿਸ਼ੇਸ਼ ਸਥਾਨ ਰੱਖਦਾ ਹੈ ਅਤੇ ਉਨ੍ਹਾਂ ਦਾ ਉਦੇਸ਼ ਹਰ ਇੱਕ ਬੱਚੇ ਨੂੰ ਉਸ ਦੀ ਮੰਜ਼ਿਲ ਤੱਕ ਪਹੁੰਚਾਉਣਾ ਹੈ। ਉਨ੍ਹਾਂ ਅਸ਼ਮਿਤ ਨੂੰ ਅੱਗੇ ਵਧਣ ਲਈ ਉਤਸ਼ਾਹਿਤ ਕੀਤਾ।
ਇਸ ਮੌਕੇ ਪ੍ਰਿੰਸੀਪਲ ਅਮਨ ਨਿੱਝਰ, ਮੈਡਮ ਸਾਕਸ਼ੀ ਗਰਗ, ਪਰਾਜ਼ਲੀ ਰਾਣਾ, ਕਿਸ਼ੋਰ ਕੁਮਾਰ, ਮੋਨਿਕਾ ਰਾਣੀ, ਸ਼ੈਲੀ ਜੱਗੀ, ਰਮਨਦੀਪ ਕੌਰ, ਕਮਾਕਸੀ ਗਰਗ, ਰਾਜਵੀਰ ਕੌਰ, ਸੁਨੈਨਾ ਸੌਂਗਰਾ, ਡਿੰਪਲ ਸ਼ਰਮਾ, ਗੁਰਕਮਲ ਕੌਰ, ਸ਼ਮਾ ਰਾਣੀ, ਮਨਪ੍ਰੀਤ ਕੌਰ, ਕੁਲਵਿੰਦਰ ਕੌਰ, ਸਿਖਾਦੀਪ, ਜਸਦੀਪ, ਹਿਮਾਂਸ਼ੂ ਅਗਰਵਾਲ, ਰੁਪਿੰਦਰ ਕੌਰ, ਮਾਨਵੀ ਵਰਮਾ, ਸਿੰਪਾ, ਨੈਹਾ ਸ਼ਰਮਾ, ਹਰਸ਼ਪ੍ਰੀਤ ਕੌਰ ਆਦਿ ਅਧਿਆਪਕ ਹਾਜਰ ਸਨ।