ਮੁੰਬਈ, 6 ਅਗਸਤ (ਦੇਸ਼ ਕਲਿੱਕ ਬਿਓਰੋ)
ਆਉਣ ਵਾਲੀ ਪੰਜਾਬੀ ਫਿਲਮ 'ਪੁਆੜਾ‘' ਨਾ ਸਿਰਫ ਭਾਰਤ ਦੇ ਸਿਨੇਮਾ ਘਰਾਂ ਵਿੱਚ, ਬਲਕਿ ਕੈਨੇਡਾ, ਅਮਰੀਕਾ ਅਤੇ ਯੂਕੇ ਵਿੱਚ ਵੀ ਰਿਲੀਜ਼ ਹੋ ਰਹੀ ਹੈ, ਫਿਲਮ ਦੇ ਨਿਰਮਾਤਾ ਉਤਸ਼ਾਹਤ ਹਨ ਕਿਉਂਕਿ ਸ਼ੁਰੂਆਤੀ ਫਿਲਮ ਸਿਨੇਮਾ ਘਰ ਵੱਡੇ ਪਰਦੇ 'ਤੇ ਦੇਖਣ ਲਈ ਦਿਲਚਸਪੀ ਦਿਖਾ ਰਹੇ ਹਨ।
ਫਿਲਮ ਨਿਰਮਾਤਾ ਰੁਪਿੰਦਰ ਚਾਹਲ ਦੁਆਰਾ ਨਿਰਦੇਸ਼ਤ ਅਤੇ ਅਤੁਲ ਭੱਲਾ, ਪਵਨ ਗਿੱਲ, ਅਨੁਰਾਗ ਸਿੰਘ, ਅਮਨ ਗਿੱਲ ਅਤੇ ਬਲਵਿੰਦਰ ਸਿੰਘ ਜੰਜੂਆ ਦੁਆਰਾ ਨਿਰਮਿਤ, ਇਹ ਫਿਲਮ 12 ਅਗਸਤ ਨੂੰ ਜ਼ੀ ਸਟੂਡੀਓ ਦੁਆਰਾ ਦੁਨੀਆ ਭਰ ਵਿੱਚ ਰਿਲੀਜ਼ ਕੀਤੀ ਜਾਵੇਗੀ।
ਫਿਲਮ ਦੇ ਨਿਰਮਾਤਾਵਾਂ ਵਿੱਚੋਂ ਇੱਕ ਪਵਨ ਗਿੱਲ ਨੇ ਕਿਹਾ, "ਇੱਕ ਨਿਰਮਾਤਾ ਦੇ ਰੂਪ ਵਿੱਚ, ਇਹ ਜਾਣ ਕੇ ਬਹੁਤ ਉਤਸ਼ਾਹ ਮਿਲਦਾ ਹੈ ਕਿ ਦਰਸ਼ਕ ਸਿਨੇਮਾ ਘਰਾਂ ਵਿੱਚ ਇੱਕ ਚੰਗੇ, ਪੌਪ ਕਾਰਨ ਦਾ ਆਨੰਦ ਮਾਣਦੇ ਹੋਏ ਮਨੋਰੰਜਨ ਭਰਪੂਰ ਮਾਹੌਲ ਵਿੱਚ ਵਾਪਸ ਆਉਣ ਦੀ ਉਡੀਕ ਕਰ ਰਹੇ ਹਨ। ਸਖਤ ਮਿਹਨਤ ਕਰਨ ਤੋਂ ਬਾਅਦ ਕੈਨੇਡਾ, ਯੂਐਸ ਅਤੇ ਯੂਕੇ ਵਿੱਚ ਫਿਲਮ ਲਈ ਬੁਕਿੰਗ ਨੇ ਸਾਨੂੰ ਖੁਸ਼ ਕੀਤਾ,ਖਾਸ ਕਰਕੇ ਫਿਲਮ ਨੂੰ ਰਿਲੀਜ਼ ਕਰਨ ਅਤੇ ਦਰਸ਼ਕਾਂ ਨੂੰ ਸਿਨੇਮਾ ਘਰਾਂ ਵਿੱਚ ਵਾਪਸ ਲਿਆਉਣ ਲਈ। ਇਸ ਲਈ ਇਹ ਜਾਣ ਕੇ ਬਹੁਤ ਉਤਸ਼ਾਹ ਮਿਲਦਾ ਹੈ ਕਿ ਦਰਸ਼ਕ ਐਮੀ ਵਿਰਕ ਅਤੇ ਸੋਨਮ ਬਾਜਵਾ ਨੂੰ 'ਪੁਆੜਾ' ਵਿੱਚ ਦੇਖਣ ਲਈ ਉਤਸੁਕ ਹਨ, ਨਾ ਸਿਰਫ ਭਾਰਤ ਵਿੱਚ, ਬਲਕਿ ਵਿਦੇਸ਼ਾਂ ਵਿੱਚ ਵੀ."।