ਸੁਪਰਸਟਾਰ ਅਮਿਤਾਭ ਬੱਚਨ ਨੇ ਖਰੀਦੀ ਨਵੀਂ ਵਿਟੇਂਜ ਕਾਰ

ਮੁੰਬਈ,9 ਮਾਰਚ :
ਦਿੱਗਜ ਅਭਿਨੇਤਾ ਅਮਿਤਾਭ ਬੱਚਨ ਇਕ ਵਾਰ ਫਿਰ ਆਪਣੀ ਨਵੀਂ ਕਾਰ ਨੂੰ ਲੈ ਕੇ ਚਰਚਾ ਵਿਚ ਹੈ। ਬਾਲੀਵੁੱਡ ਸੁਪਰਸਟਾਰ ਅਮਿਤਾਭ ਬੱਚਨ ਕਾਰਾਂ ਦੇ ਸ਼ੌਕੀਨ ਹਨ। ਅਮਿਤਾਭ ਬੱਚਨ ਨੇ ਸੋਸ਼ਲ ਮੀਡੀਆ 'ਤੇ ਆਪਣੀ ਤਸਵੀਰ ਨੂੰ ਇਕ ਖੂਬਸੂਰਤ ਵਿੰਟੇਜ ਯੈਲੋ ਕਾਰ ਨਾਲ ਸ਼ੇਅਰ ਕੀਤਾ ਹੈ। ਅਮਿਤਾਭ ਦੇ ਪ੍ਰਸ਼ੰਸਕ ਉਨ੍ਹਾਂ ਨੂੰ ਨਵੀਂ ਕਾਰ ਲਈ ਵਧਾਈ ਦੇ ਰਹੇ ਹਨ। ਅਮਿਤਾਭ ਨੇ ਆਪਣੇ ਘਰ ਦੇ ਬਾਹਰ ਖੜ੍ਹੀ ਇਕ ਵਿੰਟੇਜ ਕਾਰ ਨਾਲ ਪੋਜ਼ ਦਿੰਦੇ ਹੋਏ ਟਵਿੱਟਰ 'ਤੇ ਇਕ ਤਸਵੀਰ ਸਾਂਝੀ ਕਰਦਿਆਂ ਲਿਖਿਆ - 'ਸਮੇਂ ਤੋਂ ਪਰੇ।' ਸਦੀ ਦੇ ਸੁਪਰਸਟਾਰ ਅਮਿਤਾਭ ਬੱਚਨ ਨੇ 3464ਵਾਂ ਟਵੀਟ ਕੀਤਾ - "ਇੱਕ ਸਮਾਂ ਅਜਿਹਾ ਆਉਂਦਾ ਹੈ ਜਦੋਂ ਅਸੀਂ ਨਿਸ਼ਬਦ ਹੁੰਦੇ ਹਾਂ।... ਮੇਰਾ ਵੀ ਇਹੋ ਹਾਲ ਹੈ .. ਮੈਂ ਪ੍ਰਗਟਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਹਾਂ, ਪਰ ਕੁਝ ਵੀ ਸਮਝ ਨਹੀਂ ਆ ਰਿਹਾ ... ਲੰਘੇ ਸਮੇਂ ਦੀ ਕਹਾਣੀ .... ਸਮੇਂ ਤੋਂ ਪਰੇ ਦਾ ਭਾਵ. '
ਅਮਿਤਾਭ ਬੱਚਨ ਕੋਲ ਰੋਲਸ ਰਾਇਸ, ਰੇਂਜ ਰੋਵਰ, ਬੈਂਟਲੇ ਅਤੇ ਮਰਸਡੀਜ਼ ਵਰਗੀਆਂ ਕਈ ਲਗਜ਼ਰੀ ਕਾਰਾਂ ਹਨ। ਅਮਿਤਾਭ ਬੱਚਨ ਦੀ ਨਵੀਂ ਪੀਲੀ ਕਾਰ ਫੋਰਡ ਪ੍ਰੀਫੈਕਟ ਹੈ, ਜੋ 1938 ਅਤੇ 1961 ਦੇ ਵਿਚਕਾਰ ਤਿਆਰ ਕੀਤੀ ਗਈ ਸੀ। ਇਹ ਖਾਸ ਮਾਡਲ 1950 ਦੇ ਦਹਾਕੇ ਵਿਚ ਤਿਆਰ ਕੀਤਾ ਗਿਆ ਸੀ। ਅਮਿਤਾਭ ਦੇ ਪ੍ਰਸ਼ੰਸਕਾਂ ਦੁਆਰਾ ਸ਼ੇਅਰ ਕੀਤੀਆਂ ਕੁਝ ਤਸਵੀਰਾਂ 'ਚ ਉਨ੍ਹਾਂ ਨੂੰ ਆਪਣੇ ਘਰ ਦੇ ਬਾਹਰ ਡਰਾਈਵਿੰਗ ਕਰਦੇ ਦੇਖਿਆ ਜਾ ਸਕਦਾ ਹੈ। ਅਮਿਤਾਭ ਡਰਾਈਵਰ ਦੀ ਸੀਟ 'ਤੇ ਹਨ ਅਤੇ ਇਕ ਹੋਰ ਆਦਮੀ ਉਨ੍ਹਾਂ ਦੇ ਨਾਲ ਬੈਠਾ ਹੋਇਆ ਦੇਖਿਆ ਹੈ ਅਤੇ ਨਾਲ ਹੀ ਪਿੱਛਲੀ ਸੀਟ ਤੇ ਇਕ ਔਰਤ ਵੀ ਬੈਠੀ ਹੈ।