ਮੋਹਾਲੀ, 13 ਅਗਸਤ 2021 - ਮੋਹਾਲੀ ਦੀ ਵਸਨੀਕ ਅਨੂਰੀਤ ਪਾਲ ਕੌਰ ਨੇ ਅਲਗ਼ੋਜ਼ਾ ਵਾਦਨ ਵਿੱਚ ਆਪਣਾ ਨਾਮ ਇੰਡੀਆ ਬੁੱਕ ਆਫ ਰਿਕਾਰਡ ਵਿੱਚ ਦਰਜ ਕਰਵਾਇਆ ਹੈ।ਮੋਹਾਲੀ ਵਿੱਚ ਅਨੁਰੀਤ ਕੌਰ ਇਸ ਈਵੈਂਟ ਵਿੱਚ ਨਾਂ ਦਰਜ ਕਰਵਾਉਣ ਵਾਲੀ ਪਹਿਲੀ ਲੜਕੀ ਹੈ।
ਅਨੂਰੀਤ ਦੇ ਉਸਤਾਦ ਇੰਟਰਨੈਸ਼ਨਲ ਅਲਗੋਜ਼ਾ ਵਾਦਕ ਕਰਮਜੀਤ ਸਿੰਘ ਬੱਗਾ ਨੇ ਦੱਸਿਆ ਕਿ ਅਨੁਪ੍ਰੀਤ ਉਹਨਾਂ ਦੀ ਸ਼ਾਗਿਰਦੀ ਵਿੱਚ ਸਿੱਖੀ। ਉਹ ਉੱਘੇ ਫ਼ਿਲਮਕਾਰ ਨਰਿੰਦਰ ਪਾਲ ਸਿੰਘ ਨੀਨਾ ਦੀ ਧੀ ਹੈ। ਅਨੂ ਨੇ ਇਸ ਖੇਤਰ ਦੀ ਸਿਖਲਾਈ 2017 ਵਿੱਚ ਲੈਣੀ ਸ਼ੁਰੂ ਕੀਤੀ ਸੀ।
ਅਨੂ ਨੂੰ ਅਲਗੋਜ਼ੇ ਵਜਾਉਣ ਦੇ ਨਾਲ ਨਾਲ ਘੋੜਸਵਾਰੀ, ਪੰਜਾਬੀ ਲੋਕ ਨਾਚਾਂ ਤੋਂ ਇਲਾਵਾ ਗੱਤਕਾ ਖੇਡ ਵਿਚ ਵੀ ਮੁਹਾਰਤ ਹਾਸਲ ਹੈ। ਅਨੂਰੀਤ ਦੇ ਮਾਤਾ ਸੁਖਬੀਰ ਪਾਲ ਕੌਰ ਤੇ ਪਿਤਾ ਨਰਿੰਦਰ ਨੀਨਾ ਵੀ ਵਧੀਆ ਕਲਾਕਾਰ ਤੇ ਲੋਕ ਕਲਾਵਾਂ ਦੇ ਮਾਹਰ ਹਨ ਤੇ ਅਨੂਰੀਤ ਨੇ ਗੱਤਕਾ ਆਪਣੇ ਨਾਨਾ ਗੁਰਪ੍ਰੀਤ ਸਿੰਘ ਖ਼ਾਲਸਾ ਤੋਂ ਸਿੱਖਿਆ।
ਅਨੂਰੀਤ ਨੂੰ ਇੰਡੀਆ ਬੁੱਕ ਆਫ ਰਿਕਾਰਡ ਵਲੋਂ ਗੋਲਡ ਮੈਡਲ,ਸਰਟੀਫਿਕੇਟ,ਆਈ ਕਾਰਡ, ਕਿਤਾਬ ਤੇ ਪੈੱਨ ਭੇਜਿਆ ਗਿਆ ਹੈ।