70 ਕਿਲੋਗ੍ਰਾਮ ਵਰਗ ਵਿੱਚ ਜਿੱਤਿਆ ਚੋਟੀ ਦਾ ਸਨਮਾਨ
ਮੋਹਾਲੀ, 25 ਫਰਵਰੀ, ਦੇਸ਼ ਕਲਿੱਕ ਬਿਓਰੋ :
ਇਹ ਸੱਚਮੁੱਚ ਇੱਕ ਮਹਾਨ ਯਾਤਰਾ ਹੈ। ਗੱਦੇ ਦੇ ਨਿਰਮਾਣ ਦੇ ਕਾਰੋਬਾਰ ਤੋਂ ਲੈ ਕੇ ਬਾਡੀ ਬਿਲਡਿੰਗ ਖਿਤਾਬ ਜਿੱਤਣ ਤੱਕ, ਵਿਕਾਸ ਕੁਮਾਰ ਨੇ ਲੰਬਾ ਸਫ਼ਰ ਤੈਅ ਕੀਤਾ ਹੈ।
ਕਾਰੋਬਾਰ ਦੇ ਨਾਲ-ਨਾਲ ਆਪਣੇ ਬਾਡੀ ਬਿਲਡਿੰਗ ਦੇ ਜਨੂੰਨ ਨੂੰ ਅੱਗੇ ਵਧਾਉਂਦੇ ਹੋਏ, ਵਿਕਾਸ ਕੁਮਾਰ ਨੇ ਕੁਰਾਲੀ ਦੇ ਵਿਸ਼ਵਕਰਮਾ ਮੰਦਰ ਵਿਖੇ 70 ਕਿਲੋ ਵਰਗ ਵਿੱਚ 9ਵੀਂ ਮਿਸਟਰ ਮੋਹਾਲੀ ਚੈਂਪੀਅਨਸ਼ਿਪ ਜਿੱਤੀ ਹੈ।
ਉਸ ਦੀ ਇਸ ਪ੍ਰਾਪਤੀ ਵਿੱਚ ਕਮਾਲ ਦੀ ਗੱਲ ਇਹ ਹੈ ਕਿ ਉਸ ਨੇ ਬਾਡੀ ਬਿਲਡਿੰਗ ਚੈਂਪੀਅਨਸ਼ਿਪ ਵਿੱਚ ਪਹਿਲੀ ਵਾਰ ਹਿੱਸਾ ਲਿਆ ਅਤੇ ਖ਼ਿਤਾਬ ਜਿੱਤਿਆ।
ਉਹ ਹੋਰ ਬਾਡੀ ਬਿਲਡਰਾਂ ਨੂੰ ਵੀ ਸਿਖਲਾਈ ਦਿੰਦਾ ਹੈ ਅਤੇ ਹਾਲ ਹੀ ਵਿੱਚ ਉਸਤੋਂ ਸਿਖਲਾਈ ਹਾਸਿਲ ਰਜਨੀਤ ਕੌਰ ਨੇ 12ਵੀਂ ਮਿਸ ਚੰਡੀਗੜ੍ਹ ਚੈਂਪੀਅਨਸ਼ਿਪ ਵਿੱਚ ਗੋਲਡ ਮੈਡਲ ਜਿੱਤਿਆ ਹੈ।