ਮੋਹਾਲੀ, 22 ਦਸੰਬਰ, ਦੇਸ਼ ਕਲਿੱਕ ਬਿਓਰੋ :
ਜਟਿਲ ਐਬਡਾਮਿਨਲ ਹਰਨੀਆ ਨਾਲ ਪੀੜ੍ਹਿਤ ਇੱਕ 55 ਸਾਲਾ ਔਰਤ ਦਾ ਅਧੁਨਿਕ ਹਰਨੀਆ ਸਰਜਰੀ ਰੋਬੋਟਿਕ ਐਬਡਾਮਿਨਲ ਵਾਲ ਰਿਕੰਸਟ੍ਰਕਸ਼ਨ ਦੇ ਜਰੀਏ ਮੈਕਸ ਹਸਪਤਾਲ, ਮੋਹਾਲੀ 'ਚ ਹਾਲ ਹੀ 'ਚ ਸਫਲਤਾਪੂਰਵਕ ਇਲਾਜ ਕੀਤਾ ਗਿਆ |
ਔਰਤ ਦੇ ਪੇਟ 'ਚ ਪਿਛਲੇ 8 ਸਾਲਾਂ ਤੋਂ ਸੋਜ ਸੀ ਅਤੇ ਪਿਛਲੇ 3 ਮਹੀਨਿਆਂ 'ਚ ਦਰਦ ਦੀ ਤੇਜੀ ਵਧ ਰਹੀ ਸੀ | 12 ਸਾਲ ਪਹਿਲਾਂ ਉਸਦੀਆਂ ਆਂਤਾਂ ਦੇ ਰਪਚਰ ਦੇ ਕਾਰਨ ਉਸਦੇ ਪੇਟ ਦੀ ਓਪਨ ਸਰਜਰੀ ਹੋਈ ਸੀ, ਜਿਸਦੇ ਬਾਅਦ ਉਸਦੇ ਟਾਂਕੇ ਠੀਕ ਨਹੀਂ ਹੋਏ ਸਨ | ਇਸ ਨਾਲ ਪੇਟ ਦੀ ਗਲਤ ਸੋਜ ਦਾ ਵਿਕਾਸ ਹੋਇਆ, ਜਿਸਨੂੰ ਇਨਸਿਜਨਲ ਹਰਨੀਆ ਦੇ ਰੂਪ 'ਚ ਜਾਣਿਆ ਜਾਂਦਾ ਹੈ |
ਡਾ. ਅਨੂਪਮ ਗੋਇਲ, ਕੰਸਲਟੈਂਟ-ਜੀਆਈ, ਮਿਨੀਮਲ ਅਕਸੈਸ ਅਤੇ ਬੈਰਿਆਟਿ੍ਕ ਅਤੇ ਰੋਬੋਟਿਕ ਸਰਜਰੀ ਨੇ ਦੱਸਿਆ ਕਿ ਜਾਂਚ 'ਚ ਪੂਰੇ ਪੇਟ 'ਚ ਕਈ ਹਰਨੀਆ ਡਿਫੈਕਟ ਦਿਖਾਈ ਦਿੱਤੇ | ਮਰੀਜ ਦੀ ਆਂਤ ਦੀ ਪਿਛਲੀ ਸਰਜਰੀ ਨੂੰ ਦੇਖਦੇ ਹੋਏ ਸਰਜਰੀ ਕਰਨਾ ਮੁਸ਼ਕਿਲ ਸੀ |
ਉਨ੍ਹਾਂ ਨੇ ਕਿਹਾ ਕਿ ਸਮੇਂ 'ਤੇ ਇਲਾਜ ਨਾ ਕਰਵਾਉਣ 'ਤੇ ਪੇਟ ਦੀਆਂ ਹਰਨੀਆਂ ਇੱਕ ਖਤਰਨਾਕ ਸਥਿਤੀ ਹੈ | ਇਹ ਹਰਨੀਆ ਜਟਿਲ ਹੋ ਸਕਦਾ ਹੈ ਜਿਸ ਨਾਲ ਸੋਜ ਜਾਂ ਆਂਤਾਂ ਨੂੰ ਗੈਂਗ੍ਰੀਨ ਵੀ ਹੋ ਸਕਦਾ ਹੈ |
ਡਾ. ਅਨੁਪਮ ਗੋਇਲ ਨੇ ਅੱਗੇ ਦੱਸਿਆ ਕਿ ਪਾਰੰਪਰਿਕ ਸਰਜਰੀ ਦੀ ਤੁਲਨਾਂ 'ਚ ਰੋਬੋਟਿਕ ਅਸਿਸਟਡ ਸਰਜਰੀ ਦੇ ਕਈ ਲਾਭ ਹਨ | ਰਿਕਵਰੀ ਜਿਆਦਾ ਤੇਜੀ ਨਾਲ ਹੁੰਦੀ ਹੈ ਕਿਉਂਕਿ ਇਹ ਸਰਜਰੀ ਨਿਊਨਤਮ ਇਨਵੇਸਿਵ ਹੁੰਦੀ ਹੈ ਜਿਸ ਨਾਲ ਖੂਨ ਦੀ ਕਮੀ ਘੱਟ ਹੁੰਦੀ ਹੈ | ਨਵੀਨਤਮ ਤਕਨੀਕ, ਦਾ ਵਿੰਚੀ Xi ਸਰਜੀਕਲ ਰੋਬੋਟ ਨਾਲ ਲੈਸ ਅਸੀਂ ਕੰਪਿਊਟਰ-ਨਿਰਦੇਸ਼ਿਤ, ਮੈਗਨੀਫਾਇਡ, 3ਡੀ ਵਿਜੂਅਲਾਈਜੇਸ਼ਨ ਦੀ ਵਰਤੋਂ ਕਰਕੇ ਜਟਿਲ ਸਰਜਰੀ ਕਰ ਸਕਦੇ ਹਾਂ |