ਭਾਰਤ ਅਤੇ ਨਿਊਜ਼ੀਲੈਂਡ ਵਿਚਾਲੇ ਤਿੰਨ ਮੈਚਾਂ ਦੀ ਟੀ-20 ਸੀਰੀਜ਼ ਦਾ ਦੂਜਾ ਮੈਚ ਅੱਜ

ਵੈਲਿੰਗਟਨ,20 ਨਵੰਬਰ,ਦੇਸ਼ ਕਲਿਕ ਬਿਊਰੋ:

ਭਾਰਤ ਅਤੇ ਨਿਊਜ਼ੀਲੈਂਡ ਵਿਚਾਲੇ ਤਿੰਨ ਮੈਚਾਂ ਦੀ ਟੀ-20 ਸੀਰੀਜ਼ ਦਾ ਪਹਿਲਾ ਮੈਚ ਮੀਂਹ ਦੀ ਭੇਟ ਚੜ੍ਹ ਗਿਆ ਸੀ।ਮੀਂਹ ਕਾਰਨ ਵੈਲਿੰਗਟਨ 'ਚ ਹੋਏ ਪਹਿਲੇ ਟੀ-20 'ਚ ਟਾਸ ਵੀ ਨਹੀਂ ਹੋ ਸਕਿਆ ਸੀ।ਦੋਵੇਂ ਟੀਮਾਂ ਅੱਜ ਮਾਊਂਟ ਮਤਉਂਗਨੁਈ 'ਚ ਭਿੜਨਗੀਆਂ। ਇਸ ਮੈਚ ਨੂੰ ਜਿੱਤ ਕੇ ਭਾਰਤੀ ਟੀਮ ਸੀਰੀਜ਼ 'ਤੇ ਦਬਦਬਾ ਬਣਾਉਣਾ ਚਾਹੇਗੀ। ਹੁਣ ਟੀ-20 ਸੀਰੀਜ਼ 'ਚ ਸਿਰਫ ਦੋ ਮੈਚ ਬਚੇ ਹਨ। ਅਜਿਹੇ 'ਚ ਅੱਜ ਐਤਵਾਰ ਨੂੰ ਜਿੱਤਣ ਵਾਲੀ ਟੀਮ 22 ਨਵੰਬਰ ਨੂੰ ਨੇਪੀਅਰ 'ਚ ਹੋਣ ਵਾਲੇ ਤੀਜੇ ਟੀ-20 'ਚ ਮਨੋਵਿਗਿਆਨਕ ਬੜਤ ਹਾਸਲ ਕਰੇਗੀ।ਜ਼ਿਕਰਯੋਗ ਹੈ ਕਿ ਦੋਵੇਂ ਟੀਮਾਂ ਟੀ-20 ਵਿਸ਼ਵ ਕੱਪ ਦਾ ਸੈਮੀਫਾਈਨਲ ਮੈਚ ਹਾਰ ਗਈਆਂ ਸਨ। ਅਜਿਹੇ 'ਚ ਉਸ ਟੂਰਨਾਮੈਂਟ ਦੀਆਂ ਯਾਦਾਂ ਨੂੰ ਭੁੱਲ ਕੇ ਟੀਮਾਂ ਨਵੀਂ ਸ਼ੁਰੂਆਤ ਕਰਨਾ ਚਾਹੁਣਗੀਆਂ। ਭਾਰਤੀ ਟੀਮ ਦੀ ਜ਼ਿੰਮੇਵਾਰੀ ਕਪਤਾਨ ਹਾਰਦਿਕ ਪੰਡਯਾ 'ਤੇ ਹੋਵੇਗੀ। ਉਸ ਨੂੰ ਮਿਸ਼ਨ 2024 ਟੀ-20 ਵਿਸ਼ਵ ਕੱਪ ਲਈ ਮਹੱਤਵਪੂਰਨ ਮੰਨਿਆ ਜਾ ਰਿਹਾ ਹੈ। ਭਾਰਤੀ ਟੀਮ ਇਸ ਸਮੇਂ ਬਦਲਾਅ ਦੇ ਦੌਰ 'ਚ ਹੈ। ਅਜਿਹੇ 'ਚ ਉਹ ਟੀ-20 'ਚ ਕਪਤਾਨੀ ਦਾ ਦਾਅਵਾ ਪੇਸ਼ ਕਰਨਾ ਚਾਹੇਗਾ। ਇਸ ਤੋਂ ਇਲਾਵਾ ਨੌਜਵਾਨ ਖਿਡਾਰੀ ਵੀ ਟੀਮ 'ਚ ਜਗ੍ਹਾ ਪੱਕੀ ਕਰਨ ਦੀ ਕੋਸ਼ਿਸ਼ ਕਰਨਗੇ।ਇਸ ਦੇ ਨਾਲ ਹੀ ਨਿਊਜ਼ੀਲੈਂਡ ਕੋਲ ਕੇਨ ਵਿਲੀਅਮਸਨ ਵਰਗਾ ਤਜਰਬੇਕਾਰ ਖਿਡਾਰੀ ਹੈ। ਇਸ ਤੋਂ ਇਲਾਵਾ ਜ਼ਿਆਦਾਤਰ ਖਿਡਾਰੀ ਉਹੀ ਹਨ, ਜੋ ਟੀ-20 ਵਿਸ਼ਵ ਕੱਪ ਖੇਡ ਚੁੱਕੇ ਹਨ।ਭਾਰਤ ਅਤੇ ਨਿਊਜ਼ੀਲੈਂਡ ਦਾ ਮੈਚ ਭਾਰਤੀ ਸਮੇਂ ਅਨੁਸਾਰ ਦੁਪਹਿਰ 12.00 ਵਜੇ ਤੋਂ ਹੈ। ਟਾਸ ਸਵੇਰੇ 11:30 ਵਜੇ ਹੋਵੇਗਾ।ਡੀਡੀ ਸਪੋਰਟਸ ਕੋਲ ਨਿਊਜ਼ੀਲੈਂਡ ਦੌਰੇ 'ਤੇ ਭਾਰਤ ਦੇ ਟੀ-20 ਮੈਚਾਂ ਦੇ ਪ੍ਰਸਾਰਣ ਦੇ ਅਧਿਕਾਰ ਹਨ।ਜ਼ਿਕਰਯੋਗ ਹੈ ਕਿ ਵੈਲਿੰਗਟਨ ਵਿੱਚ ਮੀਂਹ ਕਾਰਨ ਪਹਿਲਾ ਮੈਚ ਰੱਦ ਕਰ ਦਿੱਤਾ ਗਿਆ ਸੀ। ਉਦੋਂ ਤੋਂ ਪ੍ਰਸ਼ੰਸਕਾਂ ਨੂੰ ਡਰ ਹੈ ਕਿ ਦੂਜੇ ਮੈਚ 'ਚ ਵੀ ਮੀਂਹ ਪੈ ਸਕਦਾ ਹੈ। ਦੂਜੇ ਮੈਚ ਲਈ ਵੀ ਚੰਗੀ ਖ਼ਬਰ ਨਹੀਂ ਹੈ। ਮਾਊਂਟ ਮੌਂਗਾਨੁਈ ਵਿੱਚ ਅੱਜ ਵੀ ਮੀਂਹ ਦੀ ਸੰਭਾਵਨਾ ਹੈ।