18 ਸਾਲ ਤੋਂ ਵਧੇਰੇ ਉਮਰ ਦੇ ਵਿਅਕਤੀ ਕੋਵਿਡ ਵੈਕਸੀਨ ਦੀ ਬੂਸਟਰ ਡੋਜ਼ ਜ਼ਰੂਰ ਲਗਵਾਉਣ: ਡਾ. ਸਤਿੰਦਰ ਕੌਰ
ਦੋ ਕੋਰੋਨਾ ਟੀਕਿਆਂ ਦੀਆਂ ਬੂਸਟਰ ਖੁਰਾਕਾਂ ਵਿਚਕਾਰ ਅੰਤਰ ਨੂੰ ਘਟਾ ਕੇ ਕੀਤਾ 6 ਮਹੀਨੇ
ਦਲਜੀਤ ਕੌਰ ਭਵਾਨੀਗੜ੍ਹ
ਧਰਮਗੜ੍ਹ/ਸੰਗਰੂਰ, 18 ਜੁਲਾਈ, 2022: ਅਜਾਦੀ ਦਾ ਅੰਮ੍ਰਿਤ ਮਹਾਉਤਸਵ ਦੇ ਸਬੰਧ ਵਿਚ 18 ਸਾਲ ਤੋ ਵਧੇਰੇ ਉਮਰ ਵਾਲੇ ਵਿਅਕਤੀ ਕਿਸੇ ਵੀ ਸਰਕਾਰੀ ਟੀਕਾਕਰਨ ਕੇਂਦਰ ਵਿਚ ਬੂਸਟਰ ਡੋਜ਼ ਮੁਫਤ ਲੈ ਸਕਣਗੇ।ਪਹਿਲਾ ਸਰਕਾਰ ਦੀਆਂ ਹਦਾਇਤਾ ਅਨੁਸਾਰ ਸਿਰਫ ਸਿਹਤਕਰਮੀ ਅਤੇ ਫਰੰਟਲਾਈਨ ਵਰਕਰ ਹੀ 9 ਮਹੀਨੇ ਤੋਂ ਪਹਿਲਾਂ ਬੂਸਟਰ ਡੋਜ਼ ਲਗਵਾ ਸਕਦੇ ਸਨ ਪਰ ਹੁਣ 18 ਤੋ ਉਪਰ ਦੀ ਉਮਰ ਦਾ ਹਰ ਵਿਅਕਤੀ ਬੂਸਟਰ ਡੋਜ਼ ਲਗਵਾ ਸਕਦਾ ਹੈ। ਇਹ ਜਾਣਕਾਰੀ ਡਾ. ਸਤਿੰਦਰ ਕੌਰ ਸੀਨੀਅਰ ਮੈਡੀਕਲ ਅਫਸਰ ਸੀ ਐਚ ਸੀ ਕੌਹਰੀਆਂ ਨੇ ਪਿੰਡ ਸਤੌਜ ਵਿਖੇ ਕੋਵਿਡ ਟੀਕਾਕਰਨ ਕੈਂਪ ਦਾ ਜਾਇਜ਼ਾ ਲੈਣ ਮੌਕੇ ਦਿੱਤੀ।
ਡਾ. ਸਤਿੰਦਰ ਕੌਰ ਨੇ ਦੱਸਿਆ ਕਿ ਸਿਵਲ ਸਰਜਨ ਡਾ. ਪਰਮਿੰਦਰ ਕੌਰ ਦੇ ਦਿਸ਼ਾ ਨਿਰਦੇਸ਼ਾਂ ਤਹਿਤ ਸਿਹਤ ਬਲਾਕ ਕੌਹਰੀਆਂ ਅਧੀਨ ਸਿਹਤ ਕੇਂਦਰਾਂ ‘ਤੇ ਯੋਗ ਲਾਭਪਾਤਰੀ ਵੈਕਸੀਨ ਲਗਵਾ ਸਕਦੇ ਹਨ। ਉਨ੍ਹਾਂ ਦੱਸਿਆ ਕਿ ਨਵੀਂ ਐਡਵਾਈਜ਼ਰੀ ਅਨੁਸਾਰ ਬੂਸਟਰ ਡੋਜ਼ ਜਾਂ ਕੋਰੋਨਾ ਦੀ ਸਾਵਧਾਨੀ ਵਾਲੀ ਖੁਰਾਕ ਵਿਚਕਾਰ ਅੰਤਰ ਨੂੰ 6 ਮਹੀਨੇ ਜਾਂ 26 ਹਫ਼ਤੇ ਕਰ ਦਿੱਤਾ ਗਿਆ ਹੈ ਇਸ ਲਈ ਕੋਰੋਨਾ ਵੈਕਸੀਨ ਦੀ ਬੂਸਟਰ ਡੋਜ਼ 18 ਤੋਂ 59 ਸਾਲ ਤੱਕ ਦੇ ਵਿਅਕਤੀ 6 ਮਹੀਨੇ ਜਾਂ 26 ਹਫਤਿਆਂ ਦੇ ਵਕਫੇ ਤੋਂ ਬਾਅਦ ਲਗਵਾ ਸਕਦੇ ਹਨ।
ਨਰਿੰਦਰ ਪਾਲ ਸਿੰਘ ਬਲਾਕ ਐਜੂਜੇਟਰ ਨੇ ਕਿਹਾ ਕਿ ਕੋਵਿਡ-19 ਤੋਂ ਬਚਾਅ ਲਈ ਵੈਕਸੀਨ ਦੀ ਸਾਵਧਾਨੀ ਵਾਲੀ ਖ਼ੁਰਾਕ ਕਾਫ਼ੀ ਲਾਹੇਵੰਦ ਹੈ, ਇਸ ਲਈ ਸਮੂਹ ਯੋਗ ਲਾਭਪਾਤਰੀਆਂ ਨੂੰ ਇਹ ਖ਼ੁਰਾਕ ਲਗਵਾ ਲੈਣੀ ਚਾਹੀਂਦੀ ਹੈ।
ਇਸ ਮੌਕੇ ਵੀਰਪਾਲ ਕੌਰ ਸੀ ਐਚ ਓ, ਸਿਹਤ ਵਰਕਰ ਦਲਜੀਤ ਸਿੰਘ ਅਤੇ ਵੀਰਪਾਲ ਕੌਰ ਤੋਂ ਇਲਾਵਾ ਆਸ਼ਾ ਹਾਜ਼ਰ ਸਨ।