ਯੁਵਰਾਜ ਦੀ ਛੇ ਸਿਰਸਰਾਂ ਵਾਲੀ ਪਾਰੀ ਤੋਂ ਪ੍ਰੇਰਤ ਹੈ ਅੰਗਦ ਬਾਵਾ
ਚੰਡੀਗੜ੍ਹ: 30 ਮਾਰਚ, ਸੁਖਵਿੰਦਰਜੀਤ ਸਿੰਘ ਮਨੌਲੀ
ਅੰਡਰ-19 �ਿਕਟ ਵਰਲਡ ਕੱਪ-2022 ’ਚ ਸਟਾਰ �ਿਕਟਰ ਰਾਜ ਅੰਗਦ ਸਿੰਘ ਬਾਵਾ ਦੇ ਖੇਡ ਕਰੀਅਰ ’ਚ ਸਾਬਕਾ ਹਰਫਨਮੌਲਾ ਕਿ੍ਰਕਟਰ ਯੁਵਰਾਜ ਸਿੰਘ ਦਾ ਵੱਡਮੁੱਲਾ ਯੋਗਦਾਨ ਹੈ। ਰਾਜ ਅੰਗਦ ਬਾਵਾ ਦਾ ਕਹਿਣਾ ਹੈ ਕਿ ਭਾਵੇਂ ਉਨ੍ਹਾਂ ਦਾ ਮੁੱਢਲਾ ਕੋਚ ਉਨ੍ਹਾਂ ਦਾ ਪਿਤਾ ਸੁਖਵਿੰਦਰ ਸਿੰਘ ਬਾਵਾ ਹਨ ਪਰ ਉਨ੍ਹਾਂ ਬੱਲੇਬਾਜ਼ੀ ’ਚ ਬਿਲਕੁਲ ਯੁਵਰਾਜ ਸਿੰਘ ਦੀ ਕਾਪੀ ਭਾਵ ਨਕਲ ਕੀਤੀ ਹੈ। ਇਸ ਸਬੱਬ ਹੀ ਹੈ ਕਿ ਯੁਵਰਾਜ ਸਿੰਘ ਤੇ ਰਾਜ ਅੰਗਦ ਬਾਵਾ ਦੀ ਜਨਮ ਤਰੀਕ 12 ਹੈ। ਤੂਫਾਨੀ �ਿਕਟਰ ਰਹੇ ਯੁਵਰਾਜ ਸਿੰਘ ਦੀ ਨੰਬਰ-12 ਜਰਸੀ ਨੂੰ ਰਿਟਾਇਰ ਕਰ ਦਿੱਤਾ ਗਿਆ ਸੀ ਪਰ ਅੰਗਦ ਬਾਵਾ ਨੇ ਇਸੇ ਜਰਸੀ ਨੰਬਰ-12 ਨੂੰ ਪਹਿਨਣ ’ਚ ਪਹਿਲ ਕੀਤੀ ਹੈ। ਅੰਗਦ ਬਾਵਾ ਇਸੇ ਨੰਬਰ ਵਾਲੀ ਜਰਸੀ ਨਾਲ ਪਿੱਚ ’ਤੇ ਬੱਲੇਬਾਜ਼ੀ ਤੇ ਗੇਂਦਬਾਜ਼ੀ ਕਰਦੇ ਨਜ਼ਰੀ ਆਉਂਦੇ ਹਨ। ਜੂਨੀਅਰ �ਿਕਟਰ ਰਾਜ ਅੰਗਦ ਸਿੰਘ ਬਾਵਾ ਆਈਪੀਐਲ ’ਚ ਨਵੀਂ ਸ਼ੁਰੂਆਤ ਕਰਨ ਲਈ ਹੱਥਾਂ ’ਤੇ ਥੁੱਕੀ ਨਜ਼ਰ ਆ ਰਹੇ, ਜਿਸ ਆਈਪੀਐਲ ’ਚ ਕਿਸੇ ਸਮੇਂ ਯੁਵਰਾਜ ਸਿੰਘ ਦਾ ਸਿੱਕਾ ਚੱਲਦਾ ਸੀ। ਯੁਵਰਾਜ ਸਿੰਘ ਆਈਪੀਐਲ ’ਚ ਉਸੇ �ਿਕਟ ਟੀਮ ਦੇ ਕਪਤਾਨ ਸਨ, ਜਿਸ ’ਚ ਅੰਗਦ ਬਾਵਾ ਨੂੰ ਬਰੇਕ ਹਾਸਲ ਹੋਈ ਹੈ।
ਯੁਵਰਾਜ ਸਿੰਘ ਨੇ ਰਾਜ ਅੰਗਦ ਬਾਵਾ ਦੇ ਪਿਤਾ ਸੁਖਵਿੰਦਰ ਸਿੰਘ ਬਾਵਾ ਤੋਂ ਕੋਚਿੰਗ ਹਾਸਲ ਕੀਤੀ ਸੀ। ਰਾਜ ਅੰਗਦ ਨੂੰ ਉਸ ਦੇ ਪਿਤਾ ਵਲੋਂ ਤਿਆਰ ਕੀਤਾ ਗਿਆ ਹੈ। ਯੁਵਰਾਜ ਸਿੰਘ ਨੇ ਵੀ ਖੁਲਾਸਾ ਕੀਤਾ ਹੈ ਕਿ ਅੰਗਦ ਬਾਵਾ ਦੇ ਪਿਤਾ ਉਹ ਟਰੇਨੀ ਰਹੇ ਹਨ। ਰਾਜ ਅੰਗਦ ਦਾ ਕਹਿਣਾ ਹੈ ਕਿ ਉਹ ਯੁਵਰਾਜ ਸਿੰਘ ਨੂੰ ਛੋਟੇ ਹੁੰਦਿਆਂ ਬਹੁਤ ਮਿਲ ਚੁੱਕਾ ਹੈ। ਯੁਵਰਾਜ ਸਿੰਘ ਜਦੋਂ ਵੀ �ਿਕਟ ਅਕਾਡਮੀ ’ਚ ਆਉਂਦੇ ਸਨ ਤਾਂ ਉਹ ਸਾਰੇ ਯੂਥ �ਿਕਟਰਾਂ ਨਾਲ ਫੋਟੋ ਖਿਚਵਾਉਂਦੇ ਸਨ। ਰਾਜ ਅੰਗਦ ਦਾ ਕਹਿਣਾ ਹੈ ਕਿ ਮੇਰੀ ਇਕੱਲੇ ਦੀ ਯੁਵਰਾਜ ਸਿੰਘ ਨਾਲ ਇਕ ਫੋਟੋ ਹੈ, ਜਿਹੜੀ ਉਸ ਦੀ ਪਸੰਦੀਦਾ ਫੋਟੋ ਹੈ। ਇਹ ਫੋਟੋ ਅਖਬਾਰ ’ਚ ਛਪ ਚੁੱਕੀ ਹੈ। ਅੰਗਦ ਸਿੰਘ ਬਾਵਾ ਦਾ ਕਹਿਣਾ ਹੈ ਕਿ ਇਕ ਵਾਰ ਯੁਵਰਾਜ ਸਿੰਘ ਨੇ ਰਣਜੀ ਟਰਾਫੀ ਦੌਰਾਨ ਆਟੋਗ੍ਰਾਫ ਵੀ ਦਿੱਤਾ ਸੀ। ਬਾਵਾ ਨੇ ਖੁਲਾਸਾ ਕੀਤਾ ਕਿ ਜਦੋਂ ਉਸ ਨੇ ਬੱਲੇਬਾਜ਼ੀ ਦੀ ਸ਼ੁਰੂਆਤ ਕੀਤਾ ਤਾਂ ਬੈਟ ਨੂੰ ਖੱਬੇ ਹੱਥ ਨਾਲ ਚੁੱਕਿਆ ਸੀ। ਮੇਰੇ ਵਲੋਂ ਇਸ ਤਰ੍ਹਾਂ ਕਰਨ ’ਤੇ ਮੇਰੇ ਕੋਚ ਪਿਤਾ ਬਹੁਤ ਹੈਰਾਨ ਸਨ ਕਿ ਉਹ ਸਾਰੇ ਕੰਮ ਸੱਜੇ ਹੱਥ ਨਾਲ ਕਰਦਾ ਹੈ ਪਰ ਬੈਟਿੰਗ ਖੱਬੇ ਹੱਥ ਨਾਲ ਕਰਦਾ ਹੈ। ਪਿਤਾ ਨੇ ਮੈਨੂੰ ਅਜਿਹਾ ਕਰਨ ਤੋਂ ਰੋਕਿਆ ਵੀ ਪਰ ਮੇਰੇ ਸਿਰ ’ਤੇ ਯੁਵਰਾਜ ਸਿੰਘ ਬਣਨ ਦਾ ਭੂਤ ਸਵਾਰ ਸੀ।
ਯੁਵਰਾਜ ਸਿੰਘ ਦੀ ਪਸੰਦੀਦਾ ਪਾਰੀ ਬਾਰੇ ਚਰਚਾ ਕਰਦਿਆਂ ਅੰਗਦ ਬਾਵਾ ਨੇ ਕਿਹਾ ਕਿ ਉਹ ਮੇਰੇ ਆਦਰਸ਼ ਹਨ ਤੇ ਛੇ ਸਿਕਸਰਾਂ ਵਾਲੀ ਯੁਵਰਾਜ ਸਰ ਦੀ ਪਾਰੀ ਮੇਰੇ ਲਈ ਪ੍ਰੇਰਨਾ ਦਾ ਸਰੋਤ ਰਹੇਗੀ। ਯੁਵਰਾਜ ਸਿੰਘ ਨੇ ਇਕ ਓਵਰ ’ਚ ਲਗਾਤਾਰ ਛੇ ਸਿਕਸਰ ਇੰਗਲੈਂਡ ਦੇ ਗੇਂਦਬਾਜ਼ ਸਟੂਅਰਟ ਬਰਾਡ ਨੂੰ ਮਾਰੇ ਸਨ। ਇਸ ਤੋਂ ਬਾਅਦ ਰਾਜ ਅੰਗਦ ਨੂੰ ਯੁਵਰਾਜ ਸਿੰਘ ਦੀ ਮੋਹਾਲੀ ’ਚ ਟੀ-20 ਮੈਚ ’ਚ ਖੇਡੀ ਪਾਰੀ ਯਾਦ ਹੈ, ਜਿਸ ’ਚ ਯੁਵਰਾਜ ਸਿੰਘ ਨੇ 23 ਗੇਂਦਾਂ ’ਚ 60 ਦੌੜਾਂ ਬਣਾਈਆਂ ਸਨ। ਇਸ ਮੈਚ ’ਚ ਯੁਵਰਾਜ ਸਿੰਘ ਨੇ 3 ਵਿਕਟਾਂ ਵੀ ਝਟਕਾਈਆਂ ਸਨ, ਜਿਸ ਕਰਕੇ ਉਹ ‘ਮੈਨ ਆਫ ਦਿ ਮੈਚ’ ਬਣੇ ਸਨ। ਅੰਗਦ ਬਾਵਾ ਦਾ ਮੰਨਣਾ ਹੈ ਕਿ ਕਈ ਯੁਵਰਾਜ ਸਰ ਉਸ ਸਮੇਂ ਬੱਲਬਾਜ਼ੀ ਕਰਨ ਨਹੀ ਪਿੱਚ ’ਤੇ ਨਿੱਤਰਦੇ ਸਨ ਜਦੋਂ ਟੀਮ ਇੰਡੀਆ ਸੰਕਟ ’ਚ ਘਿਰੀ ਹੁੰਦੀ ਸੀ ਅਤੇ ਇਸ ਨਾਜ਼ੁਕ ਸਮੇਂ ਉਹ ਸੰਕਟਮੋਚਨ ਬਣ ਕੇ ਮੈਚ ’ਚ ਜਿੱਤ ਦਾ ਝੰਡਾ ਬੁਲੰਦਾ ਕਰਦੇ ਸਨ। ਅੰਗਦ ਬਾਵਾ ਦੀ ਖੁਹਾਇਸ਼ ਹੈ ਕਿ ਉਹ ਵੀ ਯੁਵਰਾਜ ਸਰ ਦੀ ਤਰ੍ਹਾਂ ਦੁਨੀਆਂ ਦੇ ਮਹਾਨ ਬੱਲੇਬਾਜ਼ਾਂ ਦੀ ਕਤਾਰ ਭਾਵ ਕਲੱਬ ’ਚ ਸ਼ਾਮਲ ਹੋਣ। ਉਸ ਦਾ ਸੁਪਨਾ ਹੈ ਕਿ ਟੀਮ ਇੰਡੀਆ ਨੂੰ ਜਦੋਂ ਉਸ ਦੀ ਜ਼ਰੂਰਤ ਹੋਵੇਗੀ ਉਸ ਵਲੋਂ ਹਰ ਵਾਰ ਚੰਗੀ ਤਰ੍ਹਾਂ ਪ੍ਰਫਾਰਮ ਕੀਤਾ ਜਾਵੇਗਾ।
ਫੋਟੋ ਕੈਪਸ਼ਨ: (੨੯੨੫੨) ਅੰਡਰ-19 ਵਿਸ਼ਵ �ਿਕਟ ਟਰਾਫੀ ਨਾਲ ਸਟਾਰ �ਿਕਟਰ ਰਾਜ ਅੰਗਦ ਬਾਵਾ।
(੨੯੨੫੩) ਮਰਹੂਮ ਹਾਕੀ ਓਲੰਪੀਅਨ ਤਰਲੋਚਨ ਸਿੰਘ ਬਾਵਾ (ਰਾਜ ਅੰਗਦ ਦਾ ਦਾਦਾ) ਦੀ ਗੋਦ ’ਚ ਬੈਠਾ ਰਾਜ ਅੰਗਦ ਸਿੰਘ ਬਾਵਾ।