ਦੁਬਈ, 29 ਅਕਤੂਬਰ :
ਪਾਕਿਸਤਾਨ ਨੇ ਸ਼ੁੱਕਰਵਾਰ ਨੂੰ ਦੁਬਈ ਇੰਟਰਨੈਸ਼ਨਲ ਕ੍ਰਿਕਟ ਸਟੇਡੀਐਮ ਵਿੱਚ ਖੇਡੇ ਗਏ ਆਈਸੀਸੀ ਪੁਰਸ਼ ਟੀ20 ਵਿਸ਼ਵ ਕੱਪ 2021 ਦੇ ਸੁਪਰ 12 ਮੈਚ ਵਿੱਚ ਅਫਗਾਨਿਸਤਾਨ ਨੂੰ ਪੰਜ ਵਿਕੇਟ ਨਾਲ ਹਰਾਕੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਇਸ ਜਿੱਤ ਦੇ ਨਾਲ ਪਾਕਿਸਤਾਨ ਨੇ ਮੌਜੂਦਾ ਟੀ20 ਵਿਸ਼ਵ ਕੱਪ ਵਿੱਚ ਜਿੱਤ ਦੀ ਹੈਟ੍ਰਿਕ ਪੂਰੀ ਕਰ ਲਈ ਹੈ ਅਤੇ ਉਹ ਗਰੁੱਪ 2 ਵਿੱਚ ਪੁਆਇੰਟ ਟੇਬਲ ਵਿੱਚ ਟੋਪ ਉਤੇ ਹੈ।
ਅਫਗਾਨਿਸਤਾਨ ਵੱਲੋਂ ਮੁਹੰਮਦ ਨਬੀ ਨੇ 32 ਗੇਂਦਾਂ ਉਤੇ 35 ਦੌੜਾਂ ਅਤੇ ਗੁਲਬਦੀਨ ਨਾਇਬ ਨੇ 25 ਗੇਂਦਾਂ ਉਤੇ 35 ਦੌੜਾਂ ਦੀ ਸ਼ਾਨਦਾਰੀ ਪਾਰੀਆਂ ਦੇ ਦਮ ਉਤੇ ਅਫਗਾਨਿਸਤਾਨ ਨੇ 20 ਓਵਰ ਵਿੱਚ ਕੁਲ 147/6 ਦਾ ਸਕੋਰ ਬਣਾਇਆ ਸੀ। ਅਫਗਾਨਿਸਤਾਨ ਲਈ ਨਬੀ ਅਤੇ ਨਾਇਬ ਤੋਂ ਇਲਾਵਾ ਜਾਦਰਾਨ (22) ਅਤੇ ਕਰੀਮ ਜਨਤ (15) ਨੇ ਵੀ ਬੱਲੇ ਨਾਲ ਅਹਿਮ ਯੋਗਦਾਨ ਦਿੱਤਾ।
ਪਾਕਿਸਤਾਨ ਵੱਲੋਂ ਇਮਾਦ ਵਸੀਮ 25 ਦੌੜਾਂ ਦੇ ਕੇ ਦੋ ਵਿਕੇਟ ਲਏ, ਜਦੋਂ ਕਿ ਸ਼ਾਹੀਨ ਅਫਰੀਦੀ, ਹਾਰਿਸ ਰਊਫ, ਹਸਨ ਅਲੀ ਅਤੇ ਸ਼ਾਦਾਬ ਖਾਨ ਦੀ ਝੋਨੀ ਵਿੱਚ ਇਕ-ਇਕ ਵਿਕੇਟ ਲਏ।
ਟੀਚੇ ਦਾ ਪਿੱਛਾ ਕਰਨ ਉਤਰੀ ਪਾਕਿਸਤਾਨ ਦੀ ਟੀਮ ਦੇ ਕਪਤਾਨ ਬਾਬਰ ਆਜ਼ਮ ਨੇ 47 ਗੇਂਦਾਂ ਵਿਚ 51 ਦੌੜਾਂ ਦੀ ਪਾਰੀ ਖੇਡੀ ਅਤੇ ਪਾਕਿਸਤਾਨ ਨੂੰ 19 ਓਵਰ ਵਿੱਚ ਪੰਜ ਵਿਕੇਟ ਲੈ ਕੇ ਟੀਚੇ ਦਾ ਪਿੱਛਾ ਕਰਨ ਵਿੱਚ ਅਹਿਮ ਯੋਗਦਾਨ ਦਿੱਤਾ। ਪਾਕਿਸਤਾਨ ਲਈ ਫਖਰ ਜਮਾਂ 30, ਆਸਿਫ ਅਲੀ 25 ਨੇ ਵੀ ਅਹਿਮ ਭੂਮਿਕਾ ਨਿਭਾਈ, ਜਿਸਦੀ ਬਦੌਲਤ ਪਾਕਿਸਤਾਨ ਨੇ 19ਵੇਂ ਓਵਰ ਵਿੱਚ ਹੀ ਮੈਚ ਆਪਣੇ ਨਾਮ ਕਰ ਲਿਆ।
ਆਈਏਐਨਐਸ