ਜਲੰਧਰ, 21 ਅਪ੍ਰੈਲ :
ਜਲੰਧਰ 'ਚ ਥਾਣਾ ਰਾਮਾਮੰਡੀ ਦੇ ਅਧੀਨ ਪੈਂਦੇ ਪਿੰਡ ਕਾਕੀ ਵਿਖੇ ਇੱਕ ਐਨਆਰਆਈ ਨੇ ਫਾਹਾ ਲੈ ਕੇ ਖੁਦਕੁਸ਼ੀ ਕਰ ਲਈ। ਉਹ ਵਿਦੇਸ਼ ਵਿੱਚ ਵਾਪਸ ਨਾ ਜਾਣ ਕਾਰਨ ਬਹੁਤ ਪ੍ਰੇਸ਼ਾਨ ਰਹਿੰਦਾ ਸੀ। ਉਹ ਦੋ ਹਫਤਿਆਂ ਲਈ ਪਤਨੀ ਸਮੇਤ ਪੰਜਾਬ ਆਇਆ ਸੀ, ਪਰ ਕਰੋਨਾਵਾਇਰਸ ਕਾਰਨ ਫਲਾਈਟਾਂ ਨਹੀਂ ਚਲ ਸਕੀਆਂ ਪਿਛਲੇ ਸੱਤ ਹਫਤਿਆਂ ਤੋਂ ਇੱਥੇ ਹੀ ਰੁਕਿਆ ਹੋਇਆ ਸੀ।
ਮਾਮਲੇ ਦੀ ਜਾਂਚ ਦਾ ਜਾਇਜਾ ਲੈ ਕੇ ਏਸੀਪੀ ਸੈਂਟਰਲ ਹਰਸਿਮਰਤ ਸਿੰਘ ਚੇਤਰਾ ਨੇ ਦੱਸਿਆ ਕਿ 72 ਸਾਲਾ ਅਮਰਜੀਤ ਸਿੰਘ ਕਾਕੀ ਪਿੰਡ ਦਾ ਰਹਿਣ ਵਾਲਾ ਸੀ। ਉਹ ਲੰਡਨ ਤੋਂ ਐਨਆਰਆਈਸੀ। ਉਨ੍ਹਾਂ ਕੋਲ ਰੈੱਡ ਪਾਸਪੋਰਟ ਸੀ। ਐਨਆਰਆਈ ਅਮਰਜੀਤ ਸਿੰਘ 2 ਹਫ਼ਤਿਆਂ ਲਈ 29 ਫ਼ਰਵਰੀ ਨੂੰ ਅਪਣੀ ਪਤਨੀ ਸਮੇਤ ਪੰਜਾਬ ਆਇਆ ਸੀ। ਉਹ ਸ਼ੂਗਰ ਦੇ ਮਰੀਜ਼ ਵੀ ਸਨ। ਉਨ੍ਹਾਂ ਦੀ ਪਤਨੀ ਮੁਤਾਬਿਕ 7 ਹਫ਼ਤਿਆਂ ਤੋਂ ਵੱਧ ਦਾ ਸਮਾਂ ਇੱਥੇ ਹੀ ਹੋ ਗਿਆ ਸੀ ਕਰੋਨਾਵਾਇਰਸ ਕਾਰਨ ਫਲਾਈਟਾਂ ਰੱਦ ਹੋਣ ਕਾਰਨ ਉਹ ਵਾਪਸ ਲੰਡਨ ਨਹੀਂ ਜਾ ਸਕੇ ਜਿਸ ਕਾਰਨ ਉਹ ਪਰੇਸ਼ਾਨ ਰਹਿੰਦੇ ਸਨ। ਇਸੇ ਪਰੇਸ਼ਾਨੀ ਦੇ ਚੱਲਦਿਆਂ ਉਸਦੇ ਪਤੀ ਅਮਰੀਜਤ ਸਿੰਘ ਨੇ ਮੰਗਲਵਾਰ ਨੂੰ ਪਿੰਡ ਕਾਕੀ ਸਥਿਤ ਘਰ ਵਿੱਚ ਹੀ ਫਾਹਾ ਲੈ ਕੇ ਖੁਦਕੁਸ਼ੀ ਕਰ ਲਈ। ਥਾਣਾ ਰਾਮਾਮੰਡੀ ਪੁਲਿਸ ਨੇ ਮ੍ਰਿਤਕ ਦੀ ਪਤਨੀ ਦੇ ਬਿਆਨਾਂ ਦੇ ਆਧਾਰ 'ਤੇ ਲਾਸ਼ ਨੂੰ ਪੋਸਟਮਾਰਟਮ ਦੇ ਲਈ ਸਿਵਲ ਹਸਪਤਾਲ ਪਹੁੰਚਾ ਦਿੱਤਾ ਹੈ।(ਹਿੰ.ਸ.)।