ਨਵੀਂ ਦਿੱਲੀ, 25 ਜੂਨ, ਦੇਸ਼ ਕਲਿਕ ਬਿਊਰੋ :
ਦਿੱਲੀ ਦੇ ਜਲ ਮੰਤਰੀ ਆਤਿਸ਼ੀ ਦੀ ਸਿਹਤ ਸੋਮਵਾਰ-ਮੰਗਲਵਾਰ (24-25 ਜੂਨ) ਦੀ ਦੇਰ ਰਾਤ ਵਿਗੜ ਗਈ। 'ਆਪ' ਨੇਤਾਵਾਂ ਨੇ ਉਨ੍ਹਾਂ ਨੂੰ LNJP ਹਸਪਤਾਲ 'ਚ ਭਰਤੀ ਕਰਵਾਇਆ ਹੈ। ਦਿੱਲੀ ਜਲ ਸੰਕਟ ਨੂੰ ਲੈ ਕੇ ਆਤਿਸ਼ੀ 21 ਜੂਨ ਤੋਂ ਭੋਗਲ, ਜੰਗਪੁਰਾ 'ਚ ਭੁੱਖ ਹੜਤਾਲ 'ਤੇ ਹਨ।
ਉਨ੍ਹਾਂ ਦੀ ਮੰਗ ਹੈ ਕਿ ਹਰਿਆਣਾ ਤੋਂ 100 ਐਮਜੀਡੀ ਪਾਣੀ ਭੇਜਿਆ ਜਾਵੇ। ਸੰਧੀ ਤਹਿਤ ਹਰਿਆਣਾ ਤੋਂ 613 ਐਮਜੀਡੀ ਪਾਣੀ ਭੇਜਿਆ ਜਾਣਾ ਹੈ। ਆਤਿਸ਼ੀ ਦਾ ਦਾਅਵਾ ਹੈ ਕਿ ਹਰਿਆਣਾ ਸਰਕਾਰ ਸਿਰਫ਼ 513 ਐਮਜੀਡੀ ਪਾਣੀ ਹੀ ਭੇਜ ਰਹੀ ਹੈ। ਇਸ ਕਾਰਨ ਦਿੱਲੀ ਦੇ 28 ਲੱਖ ਲੋਕਾਂ ਨੂੰ ਪਾਣੀ ਨਹੀਂ ਮਿਲ ਰਿਹਾ ਹੈ।
'ਆਪ' ਦੇ ਸੰਸਦ ਮੈਂਬਰ ਸੰਜੇ ਸਿੰਘ ਨੇ ਕਿਹਾ ਕਿ ਆਤਿਸ਼ੀ ਦਾ ਸ਼ੂਗਰ ਲੈਵਲ 43 ਤੱਕ ਪਹੁੰਚ ਗਿਆ ਹੈ। ਡਾਕਟਰਾਂ ਨੇ ਦੱਸਿਆ ਕਿ ਉਸ ਦੀ ਹਾਲਤ ਵਿਗੜ ਗਈ ਹੈ। ਜੇਕਰ ਆਤਿਸ਼ੀ ਨੂੰ ਹਸਪਤਾਲ 'ਚ ਦਾਖਲ ਨਾ ਕਰਵਾਇਆ ਗਿਆ ਤਾਂ ਹਾਲਤ ਹੋਰ ਵਿਗੜ ਸਕਦੀ ਹੈ।