ਨੋਟਾਂ ਨੂੰ ਬਿਸਤਰਿਆਂ, ਗੱਦਿਆਂ ਅਤੇ ਅਲਮਾਰੀਆਂ ਵਿੱਚ ਲੁਕੋ ਕੇ ਰੱਖਿਆ ਗਿਆ
ਨੋਟਾਂ ਦੀ ਗਿਣਤੀ ਕਰਨ ਲਈ ਬੈਂਕ ਤੋਂ ਕਰੀਬ 10 ਮਸ਼ੀਨਾਂ ਮੰਗਵਾਈਆਂ
ਆਗਰਾ, 19 ਮਈ, ਦੇਸ਼ ਕਲਿਕ ਬਿਊਰੋ :
ਇਨਕਮ ਟੈਕਸ ਦੀ ਟੀਮ ਨੇ ਆਗਰਾ 'ਚ ਜੁੱਤੀਆਂ ਦੇ 3 ਵਪਾਰੀਆਂ ਦੇ ਘਰਾਂ 'ਤੇ ਛਾਪੇਮਾਰੀ ਕੀਤੀ। ਇਕ ਕਾਰੋਬਾਰੀ ਦੇ ਘਰੋਂ 60 ਕਰੋੜ ਰੁਪਏ ਦੇ ਨੋਟ ਬਰਾਮਦ ਹੋਏ ਹਨ। ਇਨ੍ਹਾਂ ਨੋਟਾਂ ਨੂੰ ਬਿਸਤਰਿਆਂ, ਗੱਦਿਆਂ ਅਤੇ ਅਲਮਾਰੀਆਂ ਵਿੱਚ ਲੁਕੋ ਕੇ ਰੱਖਿਆ ਗਿਆ ਸੀ। ਨੋਟਾਂ ਦੀ ਤਸਵੀਰ ਸਾਹਮਣੇ ਆਈ ਹੈ। ਦੇਖਿਆ ਜਾ ਰਿਹਾ ਹੈ ਕਿ ਨੋਟਾਂ ਦੇ ਬੰਡਲ ਬੈੱਡ 'ਤੇ ਰੱਖੇ ਹੋਏ ਹਨ। ਜ਼ਮੀਨ 'ਤੇ ਰੱਖੇ ਬੈਗ ਵੀ ਨੋਟਾਂ ਨਾਲ ਭਰੇ ਹੋਏ ਹਨ।
ਇਨਕਮ ਟੈਕਸ ਦੀ ਟੀਮ ਹਰਮਿਲਾਪ ਟਰੇਡਰਜ਼ ਦੇ ਮਾਲਕ ਰਾਮਨਾਥ ਡੰਗ ਦੇ ਘਰ ਅਤੇ ਦਫਤਰ ਪਹੁੰਚੀ। ਤਲਾਸ਼ੀ ਲੈਣ 'ਤੇ ਉਸ ਦੇ ਘਰ ਦੇ ਬੈੱਡਾਂ ਅਤੇ ਗੱਦਿਆਂ 'ਚੋਂ ਨੋਟਾਂ ਦੇ ਬੰਡਲ ਮਿਲੇ। ਵੱਡੀ ਮਾਤਰਾ 'ਚ ਨਕਦੀ ਦੇਖ ਕੇ ਅਧਿਕਾਰੀਆਂ ਨੇ ਨੋਟਾਂ ਦੀ ਗਿਣਤੀ ਕਰਨ ਲਈ ਬੈਂਕ ਤੋਂ ਕਰੀਬ 10 ਮਸ਼ੀਨਾਂ ਮੰਗਵਾਈਆਂ।
ਇਹ ਕਾਰਵਾਈ ਰਾਤ ਭਰ ਜਾਰੀ ਰਹੀ। ਟੀਮ ਅੱਜ ਐਤਵਾਰ ਸਵੇਰ ਤੱਕ ਡਾਂਗ ਦੇ ਨਿਵਾਸ 'ਤੇ ਸੀ। ਅਜਿਹੇ 'ਚ ਕੈਸ਼ ਦਾ ਅੰਕੜਾ ਹੋਰ ਵਧਣ ਦਾ ਖਦਸ਼ਾ ਹੈ।
ਦਰਅਸਲ, ਟੈਕਸ ਚੋਰੀ ਦੇ ਇਨਪੁਟ ਤੋਂ ਬਾਅਦ, ਇਨਕਮ ਟੈਕਸ ਟੀਮ ਨੇ ਸ਼ਨੀਵਾਰ ਨੂੰ ਆਗਰਾ ਵਿਚ 3 ਕਾਰੋਬਾਰੀਆਂ ਦੇ ਘਰਾਂ ਅਤੇ ਦਫਤਰਾਂ ਯਾਨੀ 6 ਥਾਵਾਂ 'ਤੇ ਛਾਪੇਮਾਰੀ ਕੀਤੀ। ਟੀਮ ਨੇ ਇਸ ਦੇ ਨਾਲ ਹੀ ਐਮਜੀ ਰੋਡ ਸਥਿਤ ਬੀਕੇ ਸ਼ੂਜ਼ ਦੇ ਮਾਲਕ, ਢਕਰਾਨ ਦੇ ਮਨਸ਼ੂ ਫੁਟਵੀਅਰ ਅਤੇ ਹੀਂਗ ਕੀ ਮੰਡੀ ਦੇ ਹਰਮਿਲਾਪ ਟਰੇਡਰਜ਼ ਦੇ ਦਫ਼ਤਰ ਅਤੇ ਰਿਹਾਇਸ਼ 'ਤੇ ਛਾਪੇਮਾਰੀ ਕੀਤੀ ਸੀ।