ਜੈਪੁਰ, 15 ਮਈ, ਦੇਸ਼ ਕਲਿਕ ਬਿਊਰੋ :
ਰਾਜਸਥਾਨ ਵਿੱਚ ਹਿੰਦੁਸਤਾਨ ਕਾਪਰ ਲਿਮਟਿਡ ਦੀ ਕੋਲਿਹਾਨ ਖਾਨ ਵਿੱਚ ਫਸੇ 15 ਲੋਕਾਂ ਵਿੱਚੋਂ 3 ਨੂੰ ਬਚਾ ਲਿਆ ਗਿਆ ਹੈ। 12 ਲੋਕਾਂ ਦੇ ਬਚਾਅ ਦੀ ਵੀ ਉਮੀਦ ਹੈ।
ਰਾਜਸਥਾਨ ਵਿੱਚ ਹਿੰਦੁਸਤਾਨ ਕਾਪਰ ਲਿਮਟਿਡ ਦੀ ਕੋਲਾ ਖਾਨ ਵਿੱਚ ਮੰਗਲਵਾਰ ਸ਼ਾਮ ਨੂੰ ਹੋਏ ਹਾਦਸੇ ਵਿੱਚ 15 ਅਧਿਕਾਰੀ ਫਸ ਗਏ ਸਨ। ਨੀਮਕਾਠਾ ਜ਼ਿਲੇ ਦੀ ਇਸ ਖਾਨ 'ਚ 1875 ਫੁੱਟ ਦੀ ਡੂੰਘਾਈ 'ਤੇ ਲਿਫਟ ਚੇਨ ਟੁੱਟ ਗਈ।ਉਦੋਂ ਤੋਂ ਹੀ ਬਚਾਅ ਕਾਰਜ ਜਾਰੀ ਹੈ।
ਅੰਦਰ ਫਸੇ ਲੋਕਾਂ ਲਈ ਦਵਾਈਆਂ ਅਤੇ ਭੋਜਨ ਦੇ ਪੈਕੇਟ ਭੇਜੇ ਗਏ। ਇਸ ਦੇ ਨਾਲ ਹੀ ਐਂਬੂਲੈਂਸਾਂ ਅਤੇ ਡਾਕਟਰਾਂ ਦੀਆਂ ਟੀਮਾਂ ਨੂੰ ਵੀ ਅਲਰਟ ਮੋਡ 'ਤੇ ਰੱਖਿਆ ਗਿਆ ਹੈ। ਖਾਨ ਵਿੱਚ 13 ਮਈ ਤੋਂ ਜਾਂਚ ਚੱਲ ਰਹੀ ਸੀ।
14 ਮਈ ਦੀ ਸ਼ਾਮ ਨੂੰ ਕੇ.ਸੀ.ਸੀ. ਮੁਖੀ ਸਮੇਤ ਵਿਜੀਲੈਂਸ ਟੀਮ ਖਾਨ ਵਿੱਚ ਉਤਰੀ ਸੀ। ਰਾਤ 8:10 ਵਜੇ ਖਾਨ ‘ਚੋਂ ਨਿਕਲਦੇ ਸਮੇਂ ਲਿਫਟ ਦੀ ਚੇਨ ਟੁੱਟ ਗਈ। ਕੋਲਕਾਤਾ ਤੋਂ ਵਿਜੀਲੈਂਸ ਟੀਮ ਅਤੇ ਖੇਤਰੀ ਕਾਪਰ ਕਾਰਪੋਰੇਸ਼ਨ (ਕੇਸੀਸੀ) ਦੇ ਸੀਨੀਅਰ ਅਧਿਕਾਰੀ ਲਿਫਟ ਵਿੱਚ ਹਨ।