ਨਵੀਂ ਦਿੱਲੀ, 25 ਜਨਵਰੀ, ਦੇਸ਼ ਕਲਿੱਕ ਬਿਓਰੋ :
ਰੀਅਲ ਅਸਟੇਟ ਅਥਾਰਿਟੀ ਦੇ ਅਫ਼ਸਰ ਦੇ ਘਰੋਂ ਕਰੋੜਾਂ ਰੁਪਏ ਦੀ ਦੌਲਤ ਮਿਲਣ ਨੂੰ ਲੈ ਕੇ ਚਰਚਾ ਵਿੱਚ ਹੈ। ਤੇਲੰਗਾਨਾ ਵਿੱਚ ਭ੍ਰਿਸ਼ਟਾਚਾਰ ਵਿਰੋਧੀ ਬਿਓਰੋ (ਏਸੀਬੀ) ਦੇ ਹੱਥ ਕਰੋੜਾਂ ਰੁਪਏ ਦਾ ਖਜ਼ਾਨਾ ਹੱਥ ਲੱਗਿਆ ਹੈ। ਖਬਰਾਂ ਮੁਤਾਬਕ ਤੇਲੰਗਾਨਾ ਸਟੇਟ ਰੀਅਲ ਅਸਟੇਟ ਮੈਨੇਜਮੈਂਟ ਅਥਾਰਿਟੀ (TSRERA) ਦੇ ਸਕੱਤਰ ਸ਼ਿਵ ਬਾਲਕ੍ਰਿਸ਼ਨ ਕੋਲੋਂ 100 ਕਰੋੜ ਰੁਪਏ ਤੋਂ ਜ਼ਿਆਦਾ ਦੀ ਆਮਦਨ ਦੀ ਸੰਪਤੀ ਮਿਲੀ ਹੈ। ਇਸ ਸਬੰਧੀ ਜਾਂਚ ਜਾਰੀ ਹੈ।
ਏਸੀਬੀ ਅਧਿਕਾਰੀਆਂ ਨੂੰ ਤਲਾਸ਼ੀ ਦੌਰਾਨ ਸੋਨਾ, ਫਲੈਟਸ, ਬੈਂਕ ਜਮ੍ਹਾਂ ਅਤੇ ਬੇਨਾਮੀ ਸੰਪਤੀ ਮਿਲੀ ਹੈ। ਇਸਦੀ ਕੀਮਤ 100 ਕਰੋੜ ਰੁਪਏ ਤੋਂ ਜ਼ਿਆਦਾ ਦੱਸੀ ਜਾ ਰਹੀ ਹੈ। ਜਬਤ ਕੀਤੀਆਂ ਗਈਆਂ ਚੀਜ਼ਾਂ ਵਿੱਚ 40 ਲੱਖ ਰੁਪਏ ਨਗਦ, 2 ਕਿਲੋ ਸੋਨੇ ਦੀ ਜਵੈਲਰੀ, 60 ਮਹਿੰਗੀਆਂ ਗੱਡੀਆਂ, ਸੰਪਤੀ ਦਸਤਾਵੇਜ, ਵੱਡੀ ਬੈਂਕ ਜਮ੍ਹਾਂ ਰਾਸ਼ੀ, 14 ਮੋਬਾਇਲ ਫੋਨ, 10 ਲੈਪਟਾਪ ਅਤੇ ਕਈ ਹੋਰ ਇਲੈਕਟ੍ਰੋਨਿਕ ਸਾਮਾਨ ਵੀ ਸ਼ਾਮਲ ਹਨ।