ਪਾਣੀਪਤ, 8 ਦਸੰਬਰ, ਦੇਸ਼ ਕਲਿਕ ਬਿਊਰੋ :
ਹਰਿਆਣਾ ਦੇ ਪਾਣੀਪਤ ਦੀ ਰਿਫਾਇਨਰੀ 'ਚ ਵੱਡਾ ਹਾਦਸਾ ਵਾਪਰ ਗਿਆ। ਇੱਥੇ, ਨੈਫਥਾ ਪਲਾਂਟ ਦੀ ਪੀਐਨਸੀ ਦੀ ਈਆਰਯੂ ਯੂਨਿਟ ਵਿੱਚ ਰਸਾਇਣਕ ਰਿਐਕਟਰ ਵਿੱਚ ਪਾਊਡਰ ਉਤਪ੍ਰੇਰਕ ਨੂੰ ਬਦਲਦੇ ਸਮੇਂ ਹਾਦਸਾ ਹੋ ਗਿਆ। ਪੰਜ ਕਰਮਚਾਰੀ ਇਸ ਦੀ ਲਪੇਟ ਵਿੱਚ ਆ ਗਏ।ਹਾਦਸੇ ਤੋਂ ਬਾਅਦ ਪੰਜਾਂ ਨੂੰ ਤੁਰੰਤ ਰਿਫਾਇਨਰੀ ਹਸਪਤਾਲ ਲਿਜਾਇਆ ਗਿਆ। ਜਿੱਥੇ ਦੋ ਲੋਕਾਂ ਦੀ ਮੌਤ ਹੋ ਗਈ।ਮੈਸਰਜ਼ ਸੀ.ਆਰ.-3 ਵਿੱਚ ਕੰਮ ਕਰਦੇ ਦੋ ਕਰਮਚਾਰੀਆਂ, ਟੈਕਨੀਸ਼ੀਅਨ ਜਸਵਿੰਦਰ ਸਿੰਘ ਅਤੇ ਰਾਹੁਲ ਮਸੀਹ ਵਾਸੀ ਗੁਰਦਾਸਪੁਰ ਪੰਜਾਬ ਦੀ ਮੌਤ ਹੋ ਗਈ। ਇਸ ਦੌਰਾਨ ਹਾਦਸੇ ਵਿੱਚ ਤਿੰਨ ਹੋਰ ਕਰਮਚਾਰੀ ਪ੍ਰਨੇਸ਼, ਯਸ਼ਵਿੰਦਰ ਮਸੀਹ ਅਤੇ ਨਿਤੇਸ਼ ਜ਼ਖ਼ਮੀ ਹੋ ਗਏ ਜੋ ਇਲਾਜ ਅਧੀਨ ਹਨ। ਦੋਵੇਂ ਲਾਸ਼ਾਂ ਨੂੰ ਸਿਵਲ ਹਸਪਤਾਲ ਭੇਜ ਦਿੱਤਾ ਗਿਆ।ਜਿੱਥੇ ਉਨ੍ਹਾਂ ਦਾ ਪੰਚਨਾਮਾ ਭਰ ਕੇ ਮੁਰਦਾਘਰ ਵਿੱਚ ਰਖਵਾਇਆ ਗਿਆ ਹੈ। ਥਾਣਾ ਸਦਰ ਪੁਲਿਸ ਨੇ ਮਾਮਲੇ ਦੀ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।