ਸ਼੍ਰੀਨਗਰ, 25 ਨਵੰਬਰ, ਦੇਸ਼ ਕਲਿਕ ਬਿਊਰੋ :
ਜੰਮੂ-ਕਸ਼ਮੀਰ ਵਿੱਚ ਫੌਜ ਅਤੇ ਪੁਲਿਸ ਨੇ ਇੱਕ ਸੰਯੁਕਤ ਆਪ੍ਰੇਸ਼ਨ ਵਿੱਚ ਰਾਮਬਨ ਜ਼ਿਲ੍ਹੇ ਦੇ ਸਰਨਿਆਲ ਜੰਗਲ ਵਿੱਚ ਇੱਕ ਅੱਤਵਾਦੀ ਟਿਕਾਣੇ ਦਾ ਪਰਦਾਫਾਸ਼ ਕੀਤਾ। ਜਿੱਥੋਂ ਤਲਾਸ਼ੀ ਟੀਮ ਨੂੰ ਹਥਿਆਰਾਂ ਦਾ ਭੰਡਾਰ ਮਿਲਿਆ।ਫੌਜ ਨੇ ਜੰਗਲ ਵਿੱਚੋਂ ਤਿੰਨ ਚੀਨੀ ਗਰਨੇਡ, ਇੱਕ ਪਾਕਿਸਤਾਨੀ ਗ੍ਰੇਨੇਡ ਸਮੇਤ ਭਾਰੀ ਮਾਤਰਾ ਵਿੱਚ ਗੋਲਾ ਬਾਰੂਦ ਅਤੇ ਵਿਸਫੋਟਕ ਬਰਾਮਦ ਕੀਤਾ। ਇਸ ਤੋਂ ਇਲਾਵਾ ਏਕੇ-47 ਮੈਗਜ਼ੀਨ ਵੀ ਮਿਲਿਆ ਹੈ।ਫੌਜ ਨੇ ਬਡਗਾਮ 'ਚ ਲਸ਼ਕਰ-ਏ-ਤੋਇਬਾ ਦੇ ਤਿੰਨ ਭੂਮੀਗਤ ਵਰਕਰਾਂ ਨੂੰ ਵੀ ਗ੍ਰਿਫਤਾਰ ਕੀਤਾ ਹੈ। ਪੁਲਿਸ ਅਤੇ ਸੀਆਰਪੀਐਫ ਦੇ ਜਵਾਨਾਂ ਨੇ ਮਿਲ ਕੇ ਇਸ ਆਪਰੇਸ਼ਨ ਨੂੰ ਅੰਜਾਮ ਦਿੱਤਾ।ਫੌਜ ਵੱਲੋਂ ਬਰਾਮਦ ਕੀਤੀ ਵਿਸਫੋਟਕ ਸਮੱਗਰੀ ਵਿੱਚ 7.62 ਐਮਐਮ ਦੇ 113 ਕਾਰਤੂਸ, ਏਕੇ 47 ਦੇ 3 ਮੈਗਜ਼ੀਨ, 7.62 ਐਮਐਮ ਦੇ 7 ਸਨਾਈਪਰ ਕਾਰਤੂਸ, 9 ਐਮਐਮ ਦੇ 2 ਕਾਰਤੂਸ, 3 ਚੀਨੀ ਗ੍ਰਨੇਡ, 1 ਪਾਕਿਸਤਾਨੀ ਗ੍ਰਨੇਡ, 2 ਡੈਟੋਨੇਟਰ, 2 ਫਿਊਜ਼ ਅਤੇ 300 ਗ੍ਰਾਮ ਵਿਸਫੋਟਕ ਸਮੱਗਰੀ ਸ਼ਾਮਲ ਹੈ।