ਭੂਪਾਲ, 25 ਫ਼ਰਵਰੀ, ਦੇਸ਼ ਕਲਿਕ ਬਿਊਰੋ :
ਇੰਦੌਰ 'ਚ ਪੈਟਰੋਲ ਪਾ ਕੇ ਜਲ਼ਾਈ ਗਈ ਬੀਐੱਮ ਫਾਰਮੇਸੀ ਕਾਲਜ ਦੀ ਪ੍ਰਿੰਸੀਪਲ ਵਿਮੁਕਤਾ ਸ਼ਰਮਾ (55) ਦੀ ਅੱਜ ਸ਼ਨੀਵਾਰ ਸਵੇਰੇ 4 ਵਜੇ ਮੌਤ ਹੋ ਗਈ। ਲਾਸ਼ ਦਾ ਪੋਸਟਮਾਰਟਮ ਕਰਵਾਇਆ ਜਾਵੇਗਾ। ਪ੍ਰਿੰਸੀਪਲ ਸ਼ਰਮਾ ਪਿਛਲੇ ਪੰਜ ਦਿਨਾਂ ਤੋਂ ਚੋਥਰਾਮ ਹਸਪਤਾਲ ਵਿੱਚ ਦਾਖ਼ਲ ਸਨ। ਉਸ 'ਤੇ ਕਾਲਜ ਕੈਂਪਸ 'ਚ ਸਾਬਕਾ ਵਿਦਿਆਰਥੀ ਆਸ਼ੂਤੋਸ਼ ਸ਼੍ਰੀਵਾਸਤਵ ਨੇ ਹਮਲਾ ਕੀਤਾ ਸੀ। ਉਹ ਮਾਰਕ ਸ਼ੀਟ ਨਾ ਮਿਲਣ ਅਤੇ ਪ੍ਰੋਫੈਸਰ ਵੱਲੋਂ ਚਾਕੂਬਾਜੀ ਦਾ ਮਾਮਲਾ ਦਰਜ ਕਰਵਾਏ ਜਾਣ ਕਾਰਨ ਕਾਲਜ ਮੈਨੇਜਮੈਂਟ ਤੋਂ ਨਾਰਾਜ਼ ਸੀ। ਕੁਲੈਕਟਰ ਨੇ ਦੋਸ਼ੀ ਵਿਦਿਆਰਥੀ ਖਿਲਾਫ ਰਸੁਕਾ ਵੀ ਲਗਾਇਆ ਹੈ।ਇੱਥੇ ਜਾਂਚ ਦੌਰਾਨ ਪੁਲੀਸ ਨੂੰ ਅੱਗਜ਼ਨੀ ਦੀ ਘਟਨਾ ਨਾਲ ਸਬੰਧਤ ਚਾਰ ਗਵਾਹ ਮਿਲੇ ਹਨ। ਇਨ੍ਹਾਂ 'ਚੋਂ ਇਕ ਦਾ ਬਿਆਨ ਲੈ ਲਿਆ ਗਿਆ ਹੈ।
ਇਹ ਵੀ ਪੜ੍ਹੋ : ਭਾਈ ਅੰਮ੍ਰਿਤਪਾਲ ਦੀ DGP ਨੂੰ ਮਾਮਲਾ ਬੰਦ ਕਰਨ ਦੀ ਨਸੀਹਤ
ਪੁਲੀਸ ਨੇ ਮੁਲਜ਼ਮ ਦਾ ਇੱਕ ਦਿਨ ਦਾ ਰਿਮਾਂਡ ਹਾਸਲ ਕੀਤਾ ਸੀ, ਅੱਜ ਉਸ ਨੂੰ ਮੁੜ ਅਦਾਲਤ ਵਿੱਚ ਪੇਸ਼ ਕੀਤਾ ਜਾਵੇਗਾ। ਸਿਮਰੋਲ ਦੇ ਟੀਆਈ ਆਰ.ਐਨ.ਭਦੋਰੀਆ ਨੇ ਦੱਸਿਆ ਕਿ ਜਿਸ ਪੰਪ ਤੋਂ ਮੁਲਜ਼ਮ ਆਸ਼ੂਤੋਸ਼ ਨੇ ਬਾਈਕ ਵਿੱਚ ਪੈਟਰੋਲ ਪਾਇਆ ਸੀ, ਉਸ ਪੰਪ ਦੇ ਮਾਲਕ ਅਤੇ ਤੇਜਾਜੀ ਨਗਰ ਦੇ ਜਨਰਲ ਸਟੋਰ ਸੰਚਾਲਕ, ਜਿਸ ਤੋਂ ਬਾਲਟੀ ਖਰੀਦੀ ਸੀ, ਦੇ ਬਿਆਨ ਵੀ ਲਏ ਗਏ ਹਨ। ਦੂਜੇ ਪਾਸੇ ਘਟਨਾ ਦੇ ਚਸ਼ਮਦੀਦ ਸੁਨੀਲ ਖੈਰ ਨੇ ਦੱਸਿਆ ਕਿ ਆਸ਼ੂਤੋਸ਼ ਨੇ ਬਾਲਟੀ ਭਰ ਕੇ ਮੈਡਮ 'ਤੇ ਪੈਟਰੋਲ ਪਾ ਦਿੱਤਾ ਸੀ।