ਨਵੀਂ ਦਿੱਲੀ,6 ਫ਼ਰਵਰੀ,ਦੇਸ਼ ਕਲਿਕ ਬਿਊਰੋ:
ਸਾਲ 2023 ਦੇ ਸੰਗੀਤ ਅਵਾਰਡ ਪ੍ਰੋਗਰਾਮ ਗ੍ਰੈਮੀ ਅਵਾਰਡਸ ਵਿੱਚ ਇੱਕ ਵਾਰ ਫਿਰ ਭਾਰਤ ਦਾ ਝੰਡਾ ਲਹਿਰਾਇਆ ਗਿਆ ਹੈ। ਦਰਅਸਲ, ਬੈਂਗਲੁਰੂ ਦੇ ਸੰਗੀਤਕਾਰ ਰਿਕੀ ਕੇਜ ਨੇ ਆਪਣਾ ਤੀਜਾ ਗ੍ਰੈਮੀ ਐਵਾਰਡ ਜਿੱਤਿਆ ਹੈ। ਰਿੱਕੀ ਨੂੰ ਇਸ ਐਵਾਰਡ ਨਾਲ ਉਨ੍ਹਾਂ ਦੀ ਐਲਬਮ 'ਡਿਵਾਈਨ ਟਾਈਡਜ਼' ਲਈ ਸਨਮਾਨਿਤ ਕੀਤਾ ਗਿਆ ਹੈ।ਅਮਰੀਕਾ ‘ਚ ਜਨਮੇ ਸੰਗੀਤਕਾਰ ਨੇ ਮਸ਼ਹੂਰ ਬ੍ਰਿਟਿਸ਼ ਰਾਕ ਬੈਂਡ “ਦ ਪੁਲਿਸ” ਦੇ ਡਰੱਮਰ ਸਟੀਵਰਟ ਕੋਪਲੈਂਡ ਨਾਲ ਪੁਰਸਕਾਰ ਸਾਂਝਾ ਕੀਤਾ। ਸਟੀਵਰਟ ਕੋਪਲੈਂਡ ਨੇ ਇਸ ਐਲਬਮ 'ਤੇ ਰਿਕੀ ਨਾਲ ਸਹਿਯੋਗ ਕੀਤਾ ਹੈ। 65ਵੇਂ ਗ੍ਰੈਮੀ ਅਵਾਰਡਸ ਵਿੱਚ,ਦੋਵਾਂ ਨੇ ਸਰਵੋਤਮ ਇਮਰਸਿਵ ਆਡੀਓ ਐਲਬਮ ਸ਼੍ਰੇਣੀ ਵਿੱਚ ਗ੍ਰਾਮੋਫੋਨ ਟਰਾਫੀ ਜਿੱਤੀ ਹੈ।ਪ੍ਰਸਿੱਧ ਸੰਗੀਤਕਾਰ ਰਿੱਕੀ ਕੇਜ ਨੇ ਇਹ ਪੁਰਸਕਾਰ ਪਹਿਲੀ ਵਾਰ ਸਾਲ 2015 ਵਿੱਚ ਆਪਣੀ ਐਲਬਮ 'ਵਿੰਡਜ਼ ਆਫ਼ ਸਮਸਾਰਾ' ਲਈ ਜਿੱਤਿਆ ਸੀ। 2015 ਵਿੱਚ ਇਹ ਸਨਮਾਨ ਪ੍ਰਾਪਤ ਕਰਨ ਤੋਂ ਬਾਅਦ, ਰਿੱਕੀ ਨੇ ਇੱਕ ਵਾਰ ਫਿਰ ਸਾਲ 2022 ਵਿੱਚ ਸਟੀਵਰਟ ਕੋਪਲੈਂਡ ਨਾਲ ਐਲਬਮ 'ਡਿਵਾਈਨ ਟਾਈਡਜ਼' ਲਈ 'ਬੈਸਟ ਨਿਊ ਏਜ ਐਲਬਮ' ਦੀ ਸ਼੍ਰੇਣੀ ਵਿੱਚ ਗ੍ਰੈਮੀ ਪੁਰਸਕਾਰ ਪ੍ਰਾਪਤ ਕੀਤਾ ਸੀ।