ਉੱਤਰ ਪ੍ਰਦੇਸ਼ ਦੇ ਲਖੀਮਪੁਰ ਖੇੜੀ ‘ਚ ਵਾਪਰਿਆ ਸੜਕ ਹਾਦਸਾ, ਪੰਜ ਵਿਅਕਤੀਆਂ ਦੀ ਮੌਤ ਸੱਤ ਜ਼ਖ਼ਮੀ

ਲਖੀਮਪੁਰ ਖੇੜੀ,22 ਨਵੰਬਰ,ਦੇਸ਼ ਕਲਿਕ ਬਿਊਰੋ:

ਉੱਤਰ ਪ੍ਰਦੇਸ਼ ਦੇ ਲਖੀਮਪੁਰ ਖੇੜੀ ਜ਼ਿਲ੍ਹੇ ਵਿੱਚ ਇੱਕ ਵੱਡਾ ਸੜਕ ਹਾਦਸਾ ਵਾਪਰਿਆ ਹੈ। ਹਾਦਸੇ ਵਿੱਚ ਪੰਜ ਲੋਕਾਂ ਦੀ ਮੌਤ ਹੋ ਗਈ ਹੈ। ਜਦਕਿ 7 ਲੋਕ ਜ਼ਖਮੀ ਹੋਏ ਹਨ। ਜ਼ਖਮੀਆਂ ਨੂੰ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ ਹੈ। ਪੁਲਸ ਨੇ ਲਾਸ਼ਾਂ ਨੂੰ ਕਬਜ਼ੇ 'ਚ ਲੈ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।ਜਾਣਕਾਰੀ ਅਨੁਸਾਰ ਲਖੀਮਪੁਰ ਖੇੜੀ ਦੇ ਪਲੀਆ ਤਹਿਸੀਲ ਖੇਤਰ ਦੇ ਭੀਰਾ ਮਾਰਗ 'ਤੇ ਮੰਗਲਵਾਰ ਤੜਕੇ ਇੱਕ SUV ਗੱਡੀ ਪਲਟ ਕੇ ਟੋਏ 'ਚ ਜਾ ਡਿੱਗੀ, ਜਿਸ ਕਾਰਨ ਕਾਰ 'ਚ ਸਵਾਰ 5 ਲੋਕਾਂ ਦੀ ਮੌਤ ਹੋ ਗਈ, ਜਦਕਿ 7 ਜ਼ਖ਼ਮੀ ਹੋ ਗਏ। ਦੱਸਿਆ ਗਿਆ ਹੈ ਕਿ SUV ਕਾਰ 'ਚ 12 ਲੋਕ ਸਵਾਰ ਸਨ, ਜਿਸ 'ਚ ਪੰਜ ਲੋਕਾਂ ਦੀ ਮੌਤ ਹੋ ਗਈ।ਕਾਰ ਸਵਾਰ ਰਾਜੂ ਪਾਲ ਵਾਸੀ ਸੁੱਖਨਪੁਰ ਨੇ ਦੱਸਿਆ ਕਿ ਉਹ ਸ਼ਾਹਜਹਾਂਪੁਰ ਤੋਂ ਟੈਕਸੀ ਕਾਰ 'ਚ ਸਵਾਰ ਹੋਏ ਸੀ। ਪਲੀਆ ਤੋਂ ਅੱਗੇ ਸੜਕ ਪੁੱਟੀ ਹੋਈ ਸੀ।ਗੱਡੀ ਸੜਕ ਕਿਨਾਰੇ ਟੋਏ ਵਿੱਚ ਫਸ ਕੇ ਪਲਟ ਗਈ, ਜਿਸ ਵਿੱਚ ਉਸ ਦੇ ਨਜ਼ਦੀਕੀ ਵਿਨੈ ਸਮੇਤ ਪੰਜ ਵਿਅਕਤੀਆਂ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ।ਸੂਚਨਾ ਮਿਲਣ ’ਤੇ ਪਿੰਡ ਵਾਸੀਆਂ ਅਤੇ ਪੁਲੀਸ ਨੇ ਜੇਸੀਬੀ ਦੀ ਮਦਦ ਨਾਲ ਗੱਡੀ ਨੂੰ ਬਾਹਰ ਕੱਢਿਆ ਅਤੇ ਬਚਾਅ ਕਾਰਜ ਸ਼ੁਰੂ ਕਰ ਦਿੱਤਾ। ਐਸਡੀਐਮ ਕਾਰਤੀਕੇਯ ਸਿੰਘ ਵੀ ਮੌਕੇ ’ਤੇ ਪੁੱਜੇ।