ਨਵੀਂ ਦਿੱਲੀ, 18 ਅਕਤੂਬਰ, ਦੇਸ਼ ਕਲਿੱਕ ਬਿਓਰੋ :
ਕੇਂਦਰ ਸਰਕਾਰ ਵੱਲੋਂ ਹੜ੍ਹੀਆਂ ਦੀਆਂ 6 ਫਸਲਾਂ ਉਤੇ ਘੱਟੋ ਘੱਟ ਸਮਰਥਨ ਮੁੱਲ (MSP) ਵਧਾਉਣ ਨੂੰ ਮਨਜ਼ੂਰੀ ਦੇ ਦਿੰਤੀ। ਕੇਂਦਰੀ ਸੂਚਨਾ ਤੇ ਪ੍ਰਸਾਰਣ ਮੰਤਰੀ ਅਨੁਰਾਗ ਠਾਕੁਰ ਨੇ ਕੈਬਨਿਟ ਮੀਟਿੰਗ ਦੇ ਬਾਅਦ ਪ੍ਰੈਸ ਨੂੰ ਜਾਣਕਾਰੀ ਦਿੱਤੀ। ਉਨ੍ਹਾਂ ਦੱਸਿਆ ਕਿ ਸਰਕਾਰ ਨੇ ਕਣਕ ਦੀ ਐਮਐਸਪੀ 110 ਰੁਪਏ ਪ੍ਰਤੀ ਕੁਵਿੰਟਲ ਵਾਧਾ ਕੀਤਾ ਹੈ। ਜਿਨ੍ਹਾਂ ਫਸਲਾਂ ਦੀ ਐਮਐਸਪੀ ਵਧਾਈ ਗਈ ਹੈ। ਉਨ੍ਹਾਂ ਵਿੱਚ ਕਣਕ ਤੋਂ ਇਲਾਵਾ ਜੌ, ਛੋਲੇ, ਮਸੂਰ, ਸੂਰਜਮੁਖੀ ਅਤੇ ਸਰਸੋਂ ਸ਼ਾਮਲ ਹਨ।
ਕਣਕ ਦੀ ਐਮਐਸਪੀ 110 ਰੁਪਏ ਪ੍ਰਤੀ ਕੁਵਿੰਟਲ ਵਾਧੇ ਨਾਲ ਹੜ੍ਹੀ ਸੀਜਨ 2023-24 ਲਈ 2125 ਰੁਪਏ ਪ੍ਰਤੀ ਕੁਵਿੰਟਲ ਹੋ ਗਈ ਹੈ। ਇਸ ਤਰ੍ਹਾਂ ਜੌ ਦੀ ਐਮਐਸਪੀ 100 ਰੁਪਏ ਪ੍ਰਤੀ ਕੁਵਿੰਟਲ ਵਾਧਾ ਕੀਤਾ ਗਿਆ। ਸਰਕਾਰ ਨੇ ਛੋਲੇ ਦੀ ਐਮਐਸਪੀ 105 ਰੁਪਏ, ਜਦੋਂ ਕਿ ਮਸੂਰ ਦੀ ਐਮਐਸਪੀ ਵਿੱਚ 500 ਰੁਪਏ, ਸਰਸੋਂ ਦੀ 400 ਰੁਪਏ ਅਤੇ ਸੂਰਜਮੁਖੀ ਦੀ ਐਮਐਸਪੀ ਵਿੱਚ 209 ਰੁਪਏ ਪ੍ਰਤੀ ਕੁਵਿੰਟਲ ਵਾਧਾ ਕੀਤਾ ਗਿਆ ਹੈ।