ਅੱਜ ਢਾਹ ਦਿੱਤੇ ਜਾਣਗੇ ਸੁਪਰਟੈਕ ਬਿਲਡਰ ਦੇ ਟਵਿਨ ਟਾਵਰ

ਨੋਇਡਾ,28 ਅਗਸਤ,ਦੇਸ਼ ਕਲਿਕ ਬਿਊਰੋ:
ਭ੍ਰਿਸ਼ਟਾਚਾਰ ਦੀ ਨੀਂਹ 'ਤੇ ਖੜ੍ਹੇ ਸੁਪਰਟੈਕ ਬਿਲਡਰ ਦੇ ਟਵਿਨ ਟਾਵਰ ਅੱਜ ਦੁਪਹਿਰ 2:30 ਵਜੇ ਕੁਝ ਸਕਿੰਟਾਂ 'ਚ ਢਾਹ ਦਿੱਤੇ ਜਾਣਗੇ। ਅਦਾਲਤ ਦੇ ਹੁਕਮਾਂ 'ਤੇ ਪਹਿਲੀ ਵਾਰ ਇੰਨੀ ਵੱਡੀ ਇਮਾਰਤ ਨੂੰ ਢਾਹਿਆ ਜਾਵੇਗਾ। ਇਸ ਦੇ ਲਈ ਹਾਈਕੋਰਟ ਤੋਂ ਲੈ ਕੇ ਸੁਪਰੀਮ ਕੋਰਟ ਤੱਕ ਲੰਬੀ ਲੜਾਈ ਲੜੀ ਗਈ। ਆਖ਼ਰਕਾਰ ਜਿੱਤ ਆਮ ਆਦਮੀ ਦੀ ਹੋਈ, ਜਿਸ ਨੇ ਬਿਲਡਰਾਂ ਦੀਆਂ ਮਨਮਾਨੀਆਂ ਵਿਰੁੱਧ ਆਵਾਜ਼ ਬੁਲੰਦ ਕੀਤੀ ਅਤੇ ਭ੍ਰਿਸ਼ਟ ਸਿਸਟਮ ਨੂੰ ਗੋਡਿਆਂ ਭਾਰ ਲੈ ਆਂਦਾ।ਟਵਿਨ ਟਾਵਰਾਂ ਨੂੰ ਢਾਹੁਣ ਸਮੇਂ ਐਕਸਪ੍ਰੈਸ ਵੇਅ 'ਤੇ ਟ੍ਰੈਫਿਕ ਡਾਇਵਰਸ਼ਨ ਕੀਤਾ ਜਾਵੇਗਾ। ਵਾਹਨਾਂ ਨੂੰ ਨੋਇਡਾ ਤੋਂ ਪਰੀ ਚੌਕ ਅਤੇ ਪਰੀ ਚੌਕ ਤੋਂ ਨੋਇਡਾ ਤੱਕ ਕਈ ਕਿਲੋਮੀਟਰ ਦਾ ਸਫ਼ਰ ਤੈਅ ਕਰਨਾ ਹੋਵੇਗਾ। ਇਸ ਦਾ ਅਸਰ ਯੂਪੀ ਰੋਡਵੇਜ਼ ਦੀਆਂ ਬੱਸਾਂ 'ਤੇ ਵੀ ਪਵੇਗਾ।ਜਾਣਕਾਰੀ ਦਿੰਦੇ ਹੋਏ ਡੀਸੀਪੀ ਰਾਜੇਸ਼ ਨੇ ਦੱਸਿਆ ਕਿ ਨੋਇਡਾ ਵਿੱਚ ਟਵਿਨ ਟਾਵਰ ਢਾਹੇ ਜਾਣ ਤੋਂ ਠੀਕ ਪਹਿਲਾਂ ਦੁਪਹਿਰ ਕਰੀਬ 2.15 ਵਜੇ ਐਕਸਪ੍ਰੈਸ ਵੇਅ ਬੰਦ ਕਰ ਦਿੱਤਾ ਜਾਵੇਗਾ। ਧਮਾਕੇ ਦੇ ਅੱਧੇ ਘੰਟੇ ਬਾਅਦ ਹੀ ਧੂੜ ਹਟਣ ਤੋਂ ਬਾਅਦ ਇਸ ਨੂੰ ਖੋਲ੍ਹਿਆ ਜਾਵੇਗਾ। ਤਤਕਾਲ ਕਮਾਂਡ ਸੈਂਟਰ ਵਿੱਚ 7 ਸੀਸੀਟੀਵੀ ਕੈਮਰੇ ਹਨ।ਉਨ੍ਹਾਂ ਕਿਹਾ ਕਿ ਸਾਰੇ ਭੀੜ-ਭੜੱਕੇ ਵਾਲੇ ਪੁਆਇੰਟਾਂ ਦੀ ਨਿਗਰਾਨੀ ਕਰਨ ਲਈ ਟ੍ਰੈਫਿਕ ਮਾਹਰ ਇੱਥੇ ਸਾਡੇ ਨਾਲ ਹਨ। ਇਸ ਦੌਰਾਨ 560 ਪੁਲਿਸ ਮੁਲਾਜ਼ਮ, ਰਿਜ਼ਰਵ ਫੋਰਸ ਦੇ 100 ਲੋਕ, 4 ਕਵਿੱਕ ਰਿਸਪਾਂਸ ਟੀਮਾਂ ਅਤੇ ਐਨਡੀਆਰਐਫ ਟੀਮ ਤਾਇਨਾਤ ਰਹੇਗੀ।